Odolaren mintzoa - Euskaltzaindia

Nola Euskal Herriko bertze mutikoak,
tirriatu izan nau pilota jokoak;
ahalak ez ordea nik hortarakoak,
bertze zerbaitetako nindaukan Jainkoak.
Pilotako jeinuak eskastu bazauzkit,
bihotza ta begiak Jaunak eman dauzkit;
euskalduna delakotz, edo nik ez dakit,
etzaut bertze joko bat hori bezain pollit.
Kirola hau jokatzen da maiz egun argiz,
oneski beztiturik, errespetu haundiz;
arrotzak dabilzkio berendako nahiz,
pare gabea baita ederrez ta garbiz.
Pilota, zure bidez, orok euskaldunak
bagarelako famak dituzte entzunak;
zuk eginak gaituzu denen ezagunak,
asko zor dautzu zuri gure nortasunak.
Zabaldu bazaituzte hemendik mundura,
muga gabea bada zure hedadura,
eskerrak ez daizkela erraiten mentura
zu etzarela gure iturriko ura.
7
Joko huntan lau molde dezazkegu ikus:
esku larruz, xixteraz, palaz edo eskuz;
iduriz bereziak jokatzeko moduz,
bainan denak arima ber beraren gorputz.
236