Odolaren mintzoa - Euskaltzaindia

Plaza berriain aintzinean naiz, kantatzen dautzut gogotik,
plazain kargua herrian zer den zuri erraitea gatik.
Euskal Herriko bil tokietan, gaur eta egundainotik,
eliza dugu lehena bainan zu elizaren ondotik.
Lurreratu da lehengo plaza xume ta maitagarria,
hainbertze jori ihardokirik ezindurik zen jarria.
Nola Urepel dugun pilota maÍtatzen duen herria,
nork ez ote du gaur begi onez ikusten plaza berria?
Gauza jakina da ez gaizkela beti lanean arizan,
jostetak ere bere lekua badauka gure bizitzan.
Plaza maitea, gure geroa har zazu zure gerizan,
zutan laketu gazteen bidez herri hunek iraun dezan.
312