Odolaren mintzoa - Euskaltzaindia

Noizbaiteko
Barnez sendi garenak eskualdun beroak,
batzuentzat haur gira, bertzentzat eroak.
Logale direnentzat gira saltseroak,
gaineratekoentzat politikeroak.
Ondoko
Hola mintzo zirena gutaz hitz erdika,
zure kontzientzia dukezu kilika.
Zure ur hortaz, otoi, gu ez benedika,
eskualtasuna berez ez da politika.
Ondoko
Gure otso horiek egundainotikan
maltzurkeriz gaituzte sartzen politikan,
horrela eman eta bi hiru zatitan,
ahorat errexago biltzeagatikan.
Ondoko
Nik ene politika nahi nuke klartu,
ez naute alderdiek luzaro behartu.
Zer nuen egiteko bainintzan ohartu,
deus emaiten badute esker onez hartu,
bainan hoien arteko auzitan ez sartu.
Ondoko
Edozoin izan diten gure kargudunak,
gaurkoak ere dira atzokon lagunak.
Ez ditzagun iragan gau eta egunak
hortik kobratu ustez hartze ditugunak;
bertze egitekorik badu eskualdunak.
299