Allsure Policy Wording (Afrikaans)

Huishoudelike Goedere
U moet bewys van waardasie van juweliersware en horlosies lewer
4.6.2 Wanneer u eis, moet u aan ons ’n professionele waardasiesertifikaat lewer vir alle
versekerde juweliersware en horlosies. Hierdie waardasie moes voor die verlies of skade
plaasgevind het.
4.6.3 Indien u nie hierdie sertifikaat het nie, sal u eis beperk wees tot en met die perk
aangedui in die skedule vir elke item.
U moet juweliersware en horlosies in ’n veilige plek bewaar
4.6.4 U moet juweliersware en horlosies oor ’n sekere waarde in ’n kluis bewaar. Dit staan
bekend as die ‘kluiswaarborgperk’.
4.6.5 Indien u nie die juweliersware of horlosie dra nie, moet u dit in ’n muur- of
vloergemonteerde kluis toegesluit hou. Indien u nie die item in ’n kluis toegesluit hou
wanneer u dit nie dra nie, sal ons u nie vergoed vir verlies of skade vir meer as die
‘kluiswaarborgperk’ soos aangedui in die skedule nie.
Pare en stelle
4.6.6 Ons vergoed u nie vir enige bykomende, spesiale waarde wat ’n item het omdat dit
deel is van ’n paar of ’n stel nie. Ons vergoed u slegs vir die proporsionele waarde van
die gedeelte van die stel wat verlore of beskadig is.
U moet doeltreffende sekuriteitsmaatreëls in plek hê
Diefwering
4.6.7 Indien die skedule aandui dat u diefwering het, vergoed ons u vir diefstal of gepoogde
diefstal slegs indien, ten tye van die diefstal of gepoogde diefstal, die diefwering
geïnstalleer was.
Sekuriteitshekke
4.6.8 Indien die skedule aandui dat u sekuriteitshekke het, vergoed ons u vir diefstal of
gepoogde diefstal slegs indien, ten tye van die diefstal of gepoogde diefstal, al die
volgende voorwaardes nagekom is:
4.6.8.1 die sekuriteitshekke is geïnstalleer;
4.6.8.2 die sekuriteitshekke is gesluit wanneer u Huis en Buitegeboue sonder toesig
gelaat word.
Alarmstelsel
4.6.9 Indien die skedule aandui dat u ’n alarmstelsel het, vergoed ons u vir diefstal of
gepoogde diefstal slegs indien, ten tye van die diefstal of gepoogde diefstal, al die
volgende voorwaardes nagekom is:
4.6.9.1 die alarmstelsel is geïnstalleer;
4.6.9.2 die alarmstelsel is in werkende toestand;
4.6.9.3 geen van die ‘passiewe infrarooi-bewegingverklikkers’ van die alarmstelsel
is versper of omlei nie;
4.6.9.4 indien u Huis of Buitegeboue sonder toesig gelaat word, word die alarm vir
die hele Huis en Buitegeboue geaktiveer.
Grenssekuriteit
4.6.10 Grenssekuriteit verwys na voorsorgmaatreëls wat geneem word om die grens van die
gronde teen diefstal of gepoogde diefstal te beskerm. ’n Voorbeeld is ’n elektriese
omheining.
4.6.11 Indien die skedule aandui dat u grenssekuriteit het, vergoed ons u vir diefstal of
gepoogde diefstal slegs indien, ten tye van die diefstal of gepoogde diefstal, al die
volgende voorwaardes nagekom is:
4.6.11.1 die grenssekuriteit is in werkende toestand;
4.6.11.2 indien die grenssekuriteit geaktiveer kan word, dan moes dit geaktiveer
gewees het.
23