Allsure Policy Wording (Afrikaans)

17. Premiekwytskelding vir Uitdiensstelling of Oorbodigheid
Hierdie afdeling is slegs van toepassing op maandelikse polisse en nie jaarlikse polisse nie.
17.1 Definisies in hierdie afdeling
U beteken die polishouer en die polishouer se gade soos genoem in die
skedule.
Oorbodigheid beteken die beëindiging van u diens deur u werkgewer omdat u
werkgewer nuwe tegnologie instel of die besigheid her-organiseer.
Uitdiensstelling beteken die beëindiging van u diens deur u werkgewer as gevolg van
swak marktoestande of die likwidasie van die besigheid of enige ander
besigheidsbesluit van die werkgewer wat vermindering van personeel tot
gevolg het.
17.2 Wie ons verseker
Die polishouer en die polishouer se gade wat in die skedule genoem word.
17.3 Wat ons verseker
Premies in die geval van oorbodigheid of u itdiensstelling
Ons betaal die premies vir hierdie polis indien u oorbodig raak of uitdiens gestel word.
17.4 Wat ons nie verseker nie
Ons betaal nie die premies vir hierdie polis vir oorbodigheid of uitdiensstelling in die volgende
gevalle nie:
17.4.1 u het nie enige premies verskuldig op hierdie polis betaal nie;
17.4.2 u oorbodigheid of uitdiensstelling vind plaas binne die eerste 90 dae vanaf die
begindatum van hierdie afdeling;
17.4.3 u aanvaar vrywillige uitdiensstelling;
17.4.4 u is werkloos omdat u afgetree of bedank het;
17.4.5 u is werkloos omdat u swanger is of geboorte gaan skenk;
17.4.6 u werk is seisoengebonde;
17.4.7 u vastetermynkontrak het tot ’n einde gekom, of u het die werk waarvoor u spesifiek
indiens geneem is, klaargemaak;
17.4.8 u het u werk verloor omdat u skuldig bevind is aan bedrog, oneerlikheid of enige
wangedrag;
17.4.9 u het u werk verloor weens enige onwettige staking waaraan u deelgeneem het of
enige uitsluiting deur u werkgewer;
17.4.10 u het van u werk gedros. Om te dros beteken om u werk op ’n geheime of skielike
manier te verlaat;
17.4.11 u werk in die informele sektor; en
17.4.12 u werk vir uself.
Premiekwytskelding vir Uitdiensstelling of Oorbodigheid
85