Allsure Policy Wording (Afrikaans)

80
15.3.4 Die volgende word nie beskou as hospitale ingevolge hierdie afdeling nie: sielsiekeinrigtings;
rusplekke; tehuise vir bejaardes; tehuise vir dwelmslawe of alkoholiste;
verpleeg- of hersteloorde; langtermyn-verpleegeenhede; geriatriese sale; hospiese;
tehuise vir invalides; voor-herstelsale of uitgebreide versorgingsfasiliteite om te herstel,
of rehabilitasiefasiliteite.
Indien u meer as een keer opgeneem word
15.3.5 Indien u meer as een keer in die hospitaal opgeneem word in ’n 12-maande-tydperk,
en elke keer vir dieselfde oorsaak, beskou ons die afsonderlike hospitaalopnames as
een hospitaalopname.
15.3.6 Indien u meer as een keer in die hospitaal opgeneem word in ’n 12-maande-tydperk,
en elke keer vir ’n verskillende oorsaak, beskou ons die verskillende hospitaalopnames
as afsonderlik.
15.4 Wat ons nie verseker nie
Ons vergoed u nie ingevolge hierdie afdeling vir behandeling van siekte, besering of fisiese
gebrek wat deur een van die volgende veroorsaak is nie:
15.4.1 behandeling vir die gevolge van alkohol;
15.4.2 bestuur met meer as die wettig toegelate alkoholvlak in die bloed;
15.4.3 indien die besering die direkte gevolg was dat u onder die invloed van alkohol was;
15.4.4 opsetlike, selftoegediende besering;
15.4.5 selfmoord of gepoogde selfmoord;
15.4.6 swangerskap of kindergeboorte;
15.4.7 geestesongesteldheid of geestesversteuring tensy dit behoorlik beheer is deur ’n
gekwalifiseerde dokter;
15.4.8 diabetes (tensy dit behoorlik deur ’n gekwalifiseerde dokter beheer word);
15.4.9 die neem van ’n verdowingsmiddel tensy dit geneem word volgens behoorlike mediese
advies en nie om dwelmverslawing te behandel nie;
15.4.10 enige siekte of besering wat verband hou met of die gevolg is van, MIV of VIGS. Indien
ons glo dat u siekte of besering verband hou met of ’n gevolg is van, MIV of VIGS, sal
u die teenoorgestelde moet bewys voordat ons u eis sal aanvaar;
15.4.11 aangebore toestande of kindersiektes opgedoen deur ’n kind wat ingevolge hierdie
afdeling verseker is;
15.4.12 om te vlieg behalwe as ’n passasier in ’n wettig gelisensieerde passasiersvliegtuig;
15.4.13 kosmetiese of plastiese chirurgie, behalwe as gevolg van ’n ongeluk of siekte. Ons
vergoed u slegs vir die bedrag waarvoor u verseker is ingevolge hierdie polis op die
datum van die ongeluk of siekte.
15.5 Vergoeding
Vergoedingsperk
15.5.1 Ons vergoed u met die perk aangedui in die skedule vir hierdie afdeling vir elke dag
wat u in die hospitaal is. Die maksimum tydperk waarvoor ons vergoeding gee vir
enige enkele oorsaak is 365 dae. Die 365 dae hoef nie aaneenlopend te wees nie.
15.5.2 Hierdie polis moet geldig wees wanneer daar vir die voordeel geëis word.
Ongelukvoordeel: 50% meer
15.5.3 Indien u in ’n hospitaal opgeneem word as gevolg van ’n ongeluk, verhoog ons die
vergoedingsperk met 50%.
Hospitaalkontantplan