Allsure Policy Wording (Afrikaans)

68
10.6 Spesiale voorwaardes
10.5.23.2 terwyl die watervaartuig gestuur word deur enige persoon wat onder
invloed van drank of verdowingsmiddels is; of wanneer daardie persoon se
bloed-alkoholvlak oor die wettige perk is. Dit geld nie as die boot sonder u
toestemming gebruik is nie.
Indien die watervaartuig buite Suid-Afrika beskadig is
10.6.1 Indien verlies of skade aan die watervaartuig plaasvind buite Suid-Afrika maar binne
die lande waar u verseker is, is u verantwoordelik vir alle koste wat u aangaan om die
watervaartuig na Suid-Afrika terug te bring. Ons vergoed u nie vir hierdie koste nie.
10.6.2 Die watervaartuig moet eers na Suid-Afrika teruggebring word, dan sal ons enige eis
vir verlies of skade aan die watervaartuig oorweeg.
10.6.3 Indien die watervaartuig verloor of heeltemal vernietig is, moet u dit onmiddellik aan
die naaste polisiestasie in die gebied van die verlies, en aan ons rapporteer.
Buiteboordmotore
10.6.4 Ons gee nie vergoeding vir verlies van of skade aan buiteboordmotore nie:
10.6.4.1 tensy dit veilig aan die watervaartuig vasgeheg is;
10.6.4.2 ten opsigte van diefstal: tensy die buiteboordmotor veilig aan die
watervaartuig gesluit is deur middel van ’n diefweertoestel.
Skade aan rubber- en soortgelyke vaartuie
10.6.5 Vir skade aan die materiaal van rubber, opblaasbare of halfstyfvaartuie, of soortgelyke
vaartuie, vergoed ons u slegs vir die koste om die skade te lap of te herstel.
Diefstal of gepoogde diefstal
10.6.6 Ons vergoed u slegs vir skade veroorsaak deur diefstal of gepoogde diefstal van
masjinerie, buiteboordmotore, ratwerk of toerusting indien:
10.6.6.1 dit saam met die watervaartuig gesteel is;
10.6.6.2 daar sigbare tekens van gedwonge toegang of uitgang van die
watervaartuig of bergingsplek is.
Verlies veroorsaak deur brand of ontploffing
10.6.7 Vir watervaartuie met binneboordmasjinerie, vergoed ons u slegs vir skade veroorsaak
deur ’n brand of ontploffing indien albei voorwaardes nagekom is:
10.6.7.1 daar is ’n brandblusstelsel in die enjinkamer of enjinruimte, en in die
tenkruimte, en in die galei. Die brandblusstelsel moet outomaties wees of
oor kontroles by die stuurposisie beskik;
10.6.7.2 die brandblusstelsel moet reg geïnstalleer wees en in goeie werkende
toestand gehou word.
Verlies of skade gedurende seiljagwedvaarte
10.6.8 Indien die verlies of skade veroorsaak is deurdat die seiljag strand, sink, uitbrand, in ’n
botsing betrokke is of kontak maak met enigiets anders as water (insluitend ys) terwyl
dit in ’n wedvaart is, betaal ons die volle koste tot by die perk in die skedule.
Versorging van die watervaartuig
10.6.9 U moet redelike stappe neem om die watervaartuig teen skade te beskerm en om dit
seewaardig en in ’n goeie toestand te hou.
Watervaartuigversekering