Allsure Policy Wording (Afrikaans)

18.5 Vergoeding
Vergoedingsperk
18.5.1 Ons vergoed u tot die perk wat in die skedule aangedui word vir elke voorval van
identiteitdiefstal.
Bybetaling
18.5.2 Daar is ’n bybetaling in die skedule vir Identiteitdiefstal. Dit is die eerste bedrag wat u
moet betaal voordat ons begin om u te vergoed.
18.6 Spesiale voorwaardes
Die krediteur moet inligting bevestig
18.6.1 Die krediteur moet enige bedrae wat u skuld as gevolg van identiteitdiefstal skriftelik
bevestig.
U moet saamwerk met ons ondersoek
18.6.2 U moet ons toestemming gee om u boeke en finansiële rekords te ondersoek.
18.6.3 U moet saam met ons werk en ons help om enige wetlike regte wat u of ons in
verband met u identiteitdiefstal mag hê, af te dwing. Dit sluit in om getuienis
te lewer insluitend in enige geregtelike of ander verrigtinge wat nodig is om die
identiteitdiefstal af te handel.
U moet stappe neem om verdere identiteitdiefstal te vermy
18.6.4 U moet alle redelike stappe neem om verdere verlies weens identiteitdiefstal te
voorkom.
Stel die polisie en finansiële instellings binne 24 uur in kennis
18.6.5 U moet die polisie, u bank, die maatskappy wat u OTM-, debiet- of kredietkaart
uitgereik het, die finansiële instelling, of enige ander relevante entiteit, binne 24 uur
van die ontdekking van die identiteitdiefstal, daarvan in kennis stel. Indien u dit nie
doen nie, aanvaar ons nie u eis nie.
18.7 Hoe om te eis
Identiteitdiefstal
U moet Ons bewys gee wanneer u eis
18.7.1 Indien u vir verlore inkomste eis, moet u al die volgende ingee:
18.7.1.1 bewys van u werkgewer dat u onbetaalde verlof geneem het. Hierdie
inligting moet deur ’n Kommissaris van Ede gesertifiseer wees;
18.7.1.2 bewys dat dit nodig was om tyd van die werk af te neem;
18.7.1.3 kopieë van enige aanskrywings, kennisgewings, dagvaardings, klagtes of
wettige papiere wat met die identiteitdiefstal verband hou.
18.7.2 Indien u dit nie doen nie, sal ons nie u eis aanvaar nie.
89