Allsure Policy Wording (Afrikaans)

8.4 Wat ons nie verseker nie
Items wat ons nie ingevolge hierdie afdeling verseker nie
Voertuie
8.4.1 Ons vergoed u nie vir die volgende nie:
8.4.1.1 motorvoertuie en toebehore (behalwe gespesifiseerde motorradio’s en
klankstelsels);
8.4.1.2 sleepwaens en woonwaens;
8.4.1.3 hangsweeftuie;
8.4.1.4 lugvaartuie en watervaartuie.
Items elders verseker
8.4.2 Ons vergoed u nie ingevolge Algemeen vir items wat elders gespesifiseerd of verseker
is nie.
Rekenaars
8.4.3 Ons vergoed u nie vir enige rekenaartoerusting of -toebehore nie. Dit sluit
skootrekenaars in.
Verlies of skade wat ons nie verseker nie
Slytasie
8.4.4 Ons vergoed u nie vir slytasie nie.
Pare en stelle
8.4.5 Ons vergoed u nie vir enige bykomende, spesiale waarde wat ’n item het omdat dit
deel is van ’n paar of ’n stel nie. Ons vergoed u slegs vir die proporsionele waarde van
die deel van die stel wat verloor of beskadig is.
Elektroniese data
8.4.6 Ons vergoed u nie vir die koste om klanke, data en beelde te reproduseer wat van
bande, plate, films, magnetiese media of enige ander elektroniese media verloor is nie.
Huishoudelike plae
8.4.7 Ons vergoed u nie vir verlies of skade wat deur huishoudelike plae soos rotte, motte of
insekte veroorsaak is nie.
Skoonmaak, verkleuring en opknapping
8.4.8 Ons vergoed u nie vir verlies of skade wat deur skoonmaak, verkleuring of opknapping
veroorsaak is nie.
Konfiskering en aanhouding
8.4.9 Ons vergoed u nie vir verlies van of skade aan items wat deur middel van enige
regsproses gekonfiskeer of aangehou is nie.
Fotografiese en optiese toerusting
8.4.10 Ons vergoed u nie vir verlies van of skade aan fotografiese en optiese toerusting wat u
vir professionele doeleindes gebruik nie.
Elektriese en meganiese onklaarraking
8.4.11 Ons vergoed u nie vir elektriese en meganiese onklaarraking nie.
Alle Risiko’s – versekering vir persoonlike besittings
45