Allsure Policy Wording (Afrikaans)

Watervaartuigversekering
Vergoedingsperke
10.5.2 Ons vergoed u slegs tot en met die perk aangedui in die skedule vir die item en
verlies wat verseker is. U moet seker maak dat die perk enige bedrae insluit wat u
verskuldig is aan ’n geregistreerde kredietverskaffer wat die koop van die watervaartuig
finansier het.
10.5.3 Kyk asseblief na u skedule om te sien watter Aanspreeklikheidsperke van toepassing is.
Indien ons herstel of vervang
10.5.4 Indien ons herstel of vervang, sal ons die watervaartuig of skade laat herstel of vervang
so naby as moontlik aan die oorspronklike toestand.
10.5.5 Ons waarborg nie dat ons ’n presiese restourasie sal kan bereik nie.
10.5.6 Vir ’n glasversterkte plastiek romp sal ons nie ’n glansafwerking ewenaar nie.
Indien ons die waarde betaal
10.5.7 Die meeste wat ons betaal, is:
10.5.7.1 indien die watervaartuig minder as 4 jaar oud is, die huidige koopprys van
dieselfde of ’n soortgelyke model tot die perk aangedui in die skedule;
10.5.7.2 indien die watervaartuig ouer as 4 jaar is, die huidige markwaarde van
daardie watervaartuig tot die perk aangedui in die skedule, minus die
bybetaling aangedui in die skedule.
10.5.8 Indien u nog geld op die watervaartuig skuld:
10.5.8.1 indien u die watervaartuig gekoop het op afbetalingsverkoop of
bruikhuurkontrak, betaal ons u, uitstaande skuld. Ons vergoed die
geregistreerde kredietverskaffer wat die koop van die watervaartuig
gefinansier het. Die kredietooreenkoms moet onder die Nasionale
Kredietwet (Wet 34 van 2005) val; en
10.5.8.2 indien u minder verskuldig is as die totale bedrag wat ons u ingevolge
hierdie afdeling sal vergoed, betaal geregistreerde die kredietverskaffer, en
dan vergoed ons u vir die verskil.
Ons dek nie die bedrag wat u skuld indien u die verkoop of huur enigsins herfinansier
het nie.
10.5.8.3 Indien die waarde van u verlies minder is as die bedrag wat u nog op die
watervaartuig skuld, betaal ons die bedrag wat u nog skuld, tot by die perk
aangedui in die skedule.
10.5.8.4 Van die bedrag wat u nog skuld, trek ons die volgende af:
10.5.8.4.a enige paaiemente wat laat is, en enige rente op laat
betalings;
10.5.8.4.b enige terugbetalings van premies vir gekanselleerde
versekering vir u watervaartuig;
10.5.8.4.c die bybetaling;
10.5.8.4.d enige verhoging in paaiemente wat plaasvind omdat u nie u
oorblywende kapitaalwaarde na die verlies kan realiseer nie.
10.5.8.5 In totaal, vergoed ons u nie vir meer as die perk waaroor u verseker is nie,
minus die bybetaling.
10.5.8.6 Ons dek nie die bedrag wat u skuld indien een van die afbetalings in u
ooreenkoms, behalwe die finale oorblywende betaling, meer as 10% verskil
van enige ander betaling nie.
Bybetaling
10.5.9 Daar is ’n bybetaling vir watervaartuie in die skedule. Dit is die bedrag wat u moet
betaal voordat ons u vergoed. Hierdie bybetaling is nie van toepassing op eise vir
Aanspreeklikheid nie.
65