Allsure Policy Wording (Afrikaans)

18. Identiteitdiefstal
18.1 Definisies in hierdie afdeling
U beteken die polishouer en ander mense wat ons ingevolge hierdie afdeling
verseker.
18.2 Wie ons verseker
Ons verseker die polishouer, hul gade en enige gesinslede wat in die skedule genoem word.
Om verseker te word, moet die persoon permanent saam met die polishouer bly en finansieel
afhanklik wees van die polishouer.
18.3 Wat ons verseker
Identiteitdiefstal
U moet dekking hê ten tye van die identiteitdiefstal
18.3.1 Ons vergoed u slegs ingevolge hierdie afdeling indien die volgende voorwaardes
nagekom is:
18.3.1.1 die Identiteitdiefstal (soos hieronder beskryf) vind plaas;
18.3.1.2 ’n eis word teen u ingebring deur ’n krediteur of invorderingsagentskap
of iemand wat namens hulle optree of u word bewus van ’n moontlike eis
ingevolge hierdie afdeling.
18.3.2 U kan eis vir Identiteitdiefstal wat enige tyd plaasgevind het vanaf die begindatum van
hierdie afdeling tot een jaar na die einddatum van hierdie afdeling van die polis.
Identiteitdiefstal vir ’n lening of rekening
18.3.3 Ons vergoed u slegs indien ’n ander persoon of entiteit u identiteit aanneem om:
18.3.3.1 ’n lening te kry;
18.3.3.2 ’n kredietrekening oop te maak;
18.3.3.3 ’n bestaande rekening oor te neem.
Redelike kostes wat ons vir identiteitdiefstal verseker
Regsonkoste in sekere gevalle
18.3.4 Ons vergoed u vir redelike regskoste om enige regsaksie teen u deur ’n krediteur of
invorderingsagentskap of iemand wat namens hulle optree, te verdedig. Dit sluit in:
18.3.4.1 siviele stappe as gevolg van Identiteitdiefstal;
18.3.4.2 kriminele stappe waar u aangekla word van onwettige dade wat iemand
anders gepleeg het terwyl u identiteit gebruik was.
18.3.5 Ons vergoed u vir:
18.3.5.1 verwydering van enige siviele of kriminele oordeel wat wederregtelik teen
u gespreek is as gevolg van die Identiteitdiefstal;
18.3.5.2 bevraagtekening van die akkuraatheid of volledigheid van enige inligting
in u verbruikerskredietrekord. Dit is, indien verkeerde inligting aan die
kredietagentskap of finansiële instelling gegee is.
87