Allsure Policy Wording (Afrikaans)

11.5 Vergoeding
Persoonlike Rekenaars
11.4.2.3.e slytasie;
11.4.2.3.f ontwikkeling van swak elektriese en elektroniese kontakte;
11.4.2.3.g krapmerke aan die geverfde of opgevryfte oppervlaktes;
11.4.2.3.h virusse, trojaanse perde, wurms of ander vernietigende
media- of rekenaarprogramme;
11.4.2.4 u rekenaar werk op ’n ongereelde of ongewone manier, tensy daar ook
fisiese skade is wat verseker is;
11.4.2.5 onderdele van u rekenaar wat ’n kort lewensduur het. Voorbeelde
hiervan is katodestraalbuise, gloeilampe, smeltdraadjies en offerbufferstroombane.
Indien hierdie onderdele beïnvloed word wanneer u rekenaar
beskadig is, vergoed ons u vir die oorblywende lewensduur van die
onderdele ten tye van die skade;
11.4.2.6 u rekenaar word gesteel uit ’n onbewaakte motorvoertuig. Ons vergoed
u indien u rekenaar in die kattebak toegesluit is, of versteek is in ’n
kompartement in ’n motor wat gesluit was en daar sigbare tekens van
gedwonge toegang tot die voertuig is;
11.4.2.7 Gevolgskade. Gevolgskade is enige bykomende verlies of skade wat
plaasvind as gevolg van die versekerde verlies of skade.
Hoe ons u vergoed
Indien u rekenaar herstel kan word
11.5.1 Indien u rekenaar fisies beskadig is en herstel kan word, vergoed ons u met die laagste
bedrag van die volgende:
11.5.1.1 die koste van herstelwerk minus die bybetaling;
11.5.1.2 die bedrag waarvoor u verseker is minus die bybetaling.
Indien u rekenaar nie herstel kan word nie
11.5.2 Indien u rekenaar verloor of fisies beskadig is en nie herstel kan word nie, vergoed ons
u met die laagste van die volgende:
11.5.2.1 die koste om u rekenaar te vervang met ’n rekenaar met die naaste
moontlike werkverrigting en kapasiteit, minus die bybetaling;
11.5.2.2 die bedrag waarvoor u rekenaar verseker is, minus die bybetaling.
Bybetaling
11.5.3 Daar is ’n bybetaling in die skedule vir hierdie afdeling. Dit is die bedrag wat u moet
betaal voordat ons begin met u vergoeding.
Vergoedingsperke
11.5.4 Ons vergoed u tot en met die perk aangedui in die skedule.
71