Allsure Policy Wording (Afrikaans)

46
8.5 Vergoeding
Hoe ons u vergoed
8.5.1 Ons kan een of meer van die volgende maniere kies om u te vergoed:
• betaal die koste van die verlies of skade;
• vervang dit wat verlore of beskadig is;
• herstel dit wat beskadig is.
Vergoedingsperk
8.5.2 Vir Algemene items:
• vir enige enkele item vergoed ons u slegs tot en met 25% van die totale
vergoedingsperk vir die Algemene item; en
• vir die hele eis, vergoed ons u tot en met die perk wat in die skedule aangedui is.
8.5.3 Vir Gespesifiseerde items:
Ons vergoed u tot die perk wat in die skedule vir gespesifiseerde items aangedui word.
Vir persoonlike dokumente
8.5.4 Ons vergoed u slegs vir die waarde van die materiaal en die arbeidskoste om
persoonlike dokumente te vervang. Ons vergoed u nie vir gevolglikeskade nie.
Gevolglikeskade is enige bykomende verlies of skade.
Vir seëlversamelings
8.5.4 Ons vergoed u vir ’n seëlversameling indien:
8.5.5.1 dit in die skedule gespesifiseer is;
8.5.5.2 een of meer volledige bladsye van die versameling verlore of beskadig is;
8.5.5.3 ons vergoed u nie vir meer as die perk wat in die skedule aangedui is vir
enige enkele seël nie.
8.5.6 Vir enige enkele seël, vergoed ons u nie meer as twee-derdes van die waarde van
daardie seël in ’n huidige, erkende katalogus nie.
8.5.7 Ons vergoed u tot die perk wat in die skedule aangedui word.
Vir muntversamelings
8.5.8 Ons vergoed u vir ’n muntversameling indien dit in die skedule gespesifiseer is.
8.5.9 Ons vergoed u nie vir:
8.5.9.1 huidige geldige munte nie;
8.5.9.2 meer as die perk wat in die skedule aangedui is vir enige enkele munt nie;
8.5.9.3 meer as die perk wat in die skedule aangedui is vir die hele versameling nie.
Vir items in bankbewaarkissies
8.5.10 Ons vergoed u vir items gespesifiseer in die skedule wat in ’n bankbewaarkissie gehou
word. Ons vergoed u slegs vir daardie item indien dit in ’n bewaarkissie in die bank is
ten tye van die verlies of skade.
8.5.11 Indien u die item uit die bankbewaarkissie verwyder, moet u ons in kennis stel
en die item as ’n gewone gespesifiseerde item verseker.
Vir items wat u it motorvoertuie gesteel word
8.5.12 Ons vergoed u slegs vir items wat uit ’n onbewaakte motorvoertuig gesteel is, indien
daar sigbare tekens van gedwonge toegang is.
Alle Risiko’s – versekering vir persoonlike besittings