Allsure Policy Wording (Afrikaans)

Motor
9.4 Tipe voertuiggebruik
9.4.1 Wanneer u die voertuig verseker, kies u die gebruiksbeskrywing vir die voertuig. U
kan die voertuig slegs gebruik vir die doel in die beskrywing wat u gekies het en soos
aangedui in die skedule. Indien u die voertuig vir ander doeleindes gebruik, sal
ons geen eise aanvaar nie. Indien u die doel van gebruik van die voertuig
verander, moet u ons onmiddellik daarvan in kennis stel.
Die twee beskrywings en hul doeleindes is:
Beskrywing Doeleindes
1. Huishoudelik Sosiaal, privaat, ontspanning, reis, en reis na en van
werk. Dit sluit enige sake-reise uit.
2. Sake-reise Sake-reise wat u per geleentheid onderneem, en
sosiaal, privaat, ontspanning, reis, en reis na en van
werk
9.4.2 Ons verseker nie die volgende soorte gebruik nie:
9.4.2.1 kommersiële reis (byvoorbeeld koeriers);
9.4.2.2 die vervoer van betalende passasiers;
9.4.2.3 die oplaai van passasiers vir wins (byvoorbeeld ’n voertuigdeelooreenkoms);
9.4.2.4 die vervoer van goedere vir handel;
9.4.2.5 die aanbieding van bestuurslesse vir beloning;
9.4.2.6 die uithuur van die voertuig vir beloning;
9.4.2.7 enige jaagwedren of spoedwedren, tydren of toets wat enige soort bestuur
behels insluitende gebruik op 4x4 bane en toetsbane; Gymkhanas, prêtdaggeleenthede
of enige geleentheid wat plaasvind op ’n renbaan goedgekeur
deur of onder die vaandel van ’n motorklub; en
9.4.2.8 enige doel wat verband hou met die motorhandel, behalwe wanneer die
voertuig in die sorg is van die motorhandel vir sy instandhouding of herstel.
9.4.3 Voertuigdeling is slegs van toepassing op kategorie A, B en C.
Aanvaarding van betaling vir die oplaai van passasiers as deel van ’n voertuigdelingsooreenkoms
vir sosiale geleenthede of pendel, word nie onder die tipe voertuiggebruik
uitgesluit nie indien albei die volgende voorwaardes nagekom is:
9.4.3.1 die passasiers word nie vervoer in die loop van ’n passasiervervoerbesigheid
nie; en
9.5 Tipe voertuigwaarde
9.4.3.2 wins word nie gemaak op totale betaling nie.
Daar is twee tipes voertuigwaardes: Redelike kleinhandelwaarde en Ooreengekome waarde. Die
tipe voertuigwaarde is slegs van toepassing op kategorie A, B en C-voertuie. Kyk in u skedule vir
die waardetipe wat van toepassing is op elke voertuig wat u verseker.
Tipe 1: Redelike kleinhandelwaarde
9.5.1 Die redelike kleinhandelwaarde is die prys waarteen ’n motorhandelaar ’n voertuig
met sy fabriekstoegeruste bybehore verkoop. Die waarde is gebaseer op die
kleinhandelwaarde vir die voertuig wat aangedui word in ’n erkende en huidige
motorhandelpublikasie. Die voertuig se ouderdom, toestand en odometerlesings kan
die waarde beïnvloed. Ons wys nie die kleinhandelwaarde in die skedule nie, aangesien
dit dikwels verander. Ons sal u premie outomaties aanpas, gebaseer op die jongste
kleinhandelwaarde. Ons doen dit op die verjaardatum van die polis.
49