Allsure Policy Wording (Afrikaans)

88
Inkomste wat u verloor het weens tyd weg van die werk
18.3.6 Ons vergoed u vir onbetaalde verlof van u werk of beroep indien die enigste rede
waarom u tyd afgevat het, die identiteitdiefstal was.
18.3.7 Ons vergoed u vir inkomste verloor as gevolg van werksdae wat u afgevat het terwyl
u versekering ingevolge hierdie afdeling gehad het, of binne 12 maande van die
einddatum van hierdie polis.
18.3.8 Ons vergoed u nie vir verlofdae of siektedae nie. Ons vergoed u nie indien u in eie
diens is nie.
Bedrae wat u aan ’n krediteur moet betaal
18.3.9 Ons vergoed u vir u werklike verlies weens ’n regsaanspreeklikheid om ’n krediteur te
betaal. Ons vergoed u slegs indien enige van die volgende kaarte of rekeninge in u
naam geopen is, sonder u toestemming:
18.3.9.1 OTM-kaart-, kredietkaart- of debietkaartrekening;
18.3.9.2 bankrekening;
18.3.9.3 ander kredietrekeninge.
Verskeie ander onkoste
18.3.10 Ons vergoed u vir:
18.3.10.1 koste om aansoeke vir lenings of ander krediet- of debietrekeninge weer
in te dien. Dit is indien die uitlener u aansoek geweier het slegs omdat
hulle verkeerde inligting ontvang het as gevolg van identiteitdiefstal;
18.3.10.2 redelike koste om ’n notaris te kry om dokumente met betrekking tot u
identiteitdiefstal na te gaan;
18.3.10.3 redelike koste vir langafstand-telefoonoproepe, en geregistreerde pos as
gevolg van u pogings om ’n identiteitdiefstal te rapporteer;
18.3.10.4 koste om die akkuraatheid of volledigheid van enige inligting in u
kredietgeskiedenis te betwis;
18.3.10.5 koste vir ’n maksimum van vier kredietverslae per voorval van
identiteitdiefstal, van ’n entiteit wat ons goedkeur. U moes vir die
kredietverslae gevra het gedurende die 12 maande na die ontdekking van
die identiteitdiefstal.
18.4 Wat ons nie verseker nie
Identiteitdiefstal-oneerlikheid
18.4.1 Ons vergoed u nie indien die Identiteitdiefstal verband hou met enige oneerlike,
kriminele, kwaadwillige of bedrieglike dade wat u of ’n familielid wat nie in die skedule
genoem is nie, gepleeg het, van kennis gedra het of beplan het nie.
Verlies wat voortspruit u it besigheid
18.4.2 Ons vergoed u nie vir verlies wat met u besigheid verband hou nie.
Koste vir dood, beserings of ander verlies
18.4.3 Ons vergoed u nie vir dood, besering, siekte, kwale, ongeskiktheid, skok, geestelike
angs of verstandelike besering wat die gevolg is van Identiteitdiefstal nie. Dit sluit in
enige versorging wat u nodig mag kry, of enige ander verlies wat ons nie as ’n koste
wat ons verseker, spesifieer nie.
Kredietkaartgelde indien u nie bepalings, voorwaardes en uitsluitings nagekom het nie
18.4.4 Ons vergoed u nie vir kredietkaartgelde vir gesteelde kredietkaarte indien u nie al
die bepalings, voorwaardes en uitsluitings waarvolgens die kaarte uitgereik was,
nagekom het nie.
Identiteitdiefstal