Allsure Policy Wording (Afrikaans)

Motor
Wanneer en hoe ons u vir motorhuur vergoed
9.7.29 Ons vergoed u vir die huur van ’n motor na verlies of skade aan die voertuig onder
enige van die volgende omstandighede:
9.7.29.1 indien die voertuig nie bestuur kan word nie;
9.7.29.2 indien die voertuig herstel word;
9.7.29.3 indien die voertuig gesteel is en nie teruggevind is nie.
9.7.30 Ons gee vergoeding vir:
9.7.30.1 die werklike motorhuurkoste vir ’n onbeperkte reisafstand, wat lopende
(brandstof en olie) uitsluit;
9.7.30.2 afleweringskoste van die huurmotor.
Voorwaardes vir motorhuur
9.7.31 Ons reël die motorhuur namens u. Ons huur voertuie slegs van huurmaatskappye wat
ons goedkeur.
9.7.32 Ons vergoed u slegs indien u die bepalings, Voorwaardes en Uitsluitings van die
huurmaatskappy aanvaar.
9.7.33 Die huurmotor moet ’n enjinkapasiteit hê wat dieselfde of minder is as die
enjinkapasiteit van ’n huurmotor wat in die skedule aangedui is.
9.7.34 Die huurtydperk begin vanaf enige van hierdie datums:
9.7.34.1 die datum waarop die voertuig nie bestuur kon word nie;
9.7.34.2 die datum waarop die voertuig aan die motorbedryf vir herstelwerk
oorhandig is;
9.7.34.3 die datum waarop die diefstal van die voertuig aan ons gerapporteer is.
9.7.35 Die huurtydperk eindig op die vroegste van die volgende:
9.7.35.1 die dag waarop u voertuig volledig herstel is;
9.7.35.2 die dag waarop ons u vergoed vir die algehele verlies van u voertuig;
9.7.35.3 die laaste dag van die aantal dae wat in die skedule verskyn.
Aanspreeklikheid
Ons vergoed u indien u aanspreeklik gehou word vir ’n ander persoon se dood, liggaamlike
besering, verlies of skade aan eiendom veroorsaak deur die voertuig.
Kyk na die Aanspreeklikheidsafdeling (9.10) vir bepalings en voorwaardes.
9.8 Derde Party, Brand en Diefstal
Wat ons verseker
9.8.1 Indien u versekering kies vir Derde Party, Brand en Diefstal, vergoed ons u slegs vir:
Verlies of skade
9.8.2 Verlies of skade aan die voertuig weens:
9.8.2.1 brand, weerlig, ontploffing;
9.8.2.2 diefstal en gepoogde diefstal.
9.8.3 Aanspreeklikheid.
Koste om die voertuig te beskerm
9.8.4 Indien die versekerde verlies of skade plaasvind, betaal ons die redelike koste vir die
beskerming van die voertuig tot en met die perk in die skedule.
55