Allsure Policy Wording (Afrikaans)

Motor
Wat ons verseker onder krediettekort
9.7.12 Ons vergoed u vir enige krediettekort wat u vir die voertuig het. Die krediettekort is die
verskil tussen:
• die totale bedrag wat u aan ’n geregistreerde kredietverskaffer (ingevolge die
Nasionale Kredietwet, Wet 34 van 2005) verskuldig is op die datum van die verlies
of skade;
en
• die Kleinhandel- of Ooreengekome waarde van die voertuig, wat ook al van
toepassing is.
9.7.13 Ons gee vergoeding vir krediettekort indien die voertuig:
9.7.13.1 of gesteel of gekaap word en nie fisies aan u of ons terugbesorg word
nie; of
9.7.13.2 afgeskryf word. Dit is wanneer die voertuig beskadig is en dit na ons
mening nie ekonomies is om die voertuig te herstel nie.
’n Voorbeeld van krediettekort:
U koop ’n voertuig vir R160 000 en verseker dit vir daardie waarde. U kry
voertuigfinansiering by ’n geregistreerde kredietverskaffer om die motor
in paaiemente af te betaal. Ingevolge die kredietooreenkoms, skuld u die
kredietverskaffer R220 000. Indien die motor gesteel word en u skuld die
kredietverskaffer nog R210 000, betaal ons R50 000 vir die krediettekort asook die
R160 000 wat die kleinhandel- of ooreengekome waarde van die motor is.
Wat u vir ons moet gee wanneer u vir krediettekort eis
9.7.14 U moet binne 30 dae van die verlies of skade albei die volgende dokumente vir
ons gee:
9.7.14.1 ’n afskrif van die kredietooreenkoms;
9.7.14.2 ’n afskrif van die ’n staat van u rekening wat die vereffeningsaldo wat
uitstaande is op die datum van verlies of skade aandui.
Wat ons nie ingevolge krediettekort verseker nie
9.7.15 Ons sluit nie enige van die volgende bedrae by die vergoeding in nie:
9.7.15.1 Betalings of rente wat voor die datum van verlies of skade uitstaande is.
9.7.15.2 Vroeë vereffening-boetes.
9.7.15.3 Indien die voertuig onderworpe is aan ‘n paaiementooreenkoms wat ‘n
residuele betaling insluit, is die maksimum bedrag wat ons sal betaal die
krediettekortbedrag wat sou bestaan het indien die voertuig ingevolge
‘n standaard paaiementooreenkoms gefinansier was, sonder ‘n residuele
betaling. Die betrokke tyd vir hierdie herberekening van die krediettekort is
die maand waarin die eis geskik word.
9.7.15.4 Enige ooreenkoms waarvolgens die bedrag van enige enkele paaiement,
met uitsluiting van enige residuele betaling, met meer as 10% van enige
ander paaiement verskil.
9.7.15.5 Enige ander bedrae wat aan u terugbetaal kan word (bv. Bykomende
betalings wat u gemaak het om u krediet die verminder).
9.7.15.6 Enige regskoste wat deur u aan die finansieringsmaatskappy verskuldig is.
53