Allsure Policy Wording (Afrikaans)

60
9.13 Spesiale voorwaardes
U moet u motorvoertuig versorg
9.13.1 U moet alle redelike stappe neem om te verseker dat u voertuig te alle tye padwaardig
is volgens die betrokke wetgewing.
U moet u voertuig beveilig
9.13.2 Indien die skedule meld dat u voertuig met ’n sekuriteitstelsel toegerus is, is dit u
plig om te bewys dat die sekuriteitstelsel geïnstalleer was. Indien u dit nie kan bewys
nie, sal u nie vergoeding vir eise voortspruitend uit diefstal, gepoogde diefstal of
kaping ontvang nie. Voorbeelde van sekuriteitstelsels is satellietopsporingstelsels,
immobiliseerders en alarms.
9.13.3 Ons gee slegs vergoeding vir verlies of skade weens diefstal, gepoogde diefstal
of kaping indien u voldoen aan die diensooreenkomste en aanbevelings van die
sekuriteitstelsel se vervaardigers en installeerders.
9.13.4 Ons vergoed u vir satellietopsporingstelsels slegs indien u aan die volgende voldoen:
9.13.4.1 onmiddellik en op eie onkoste die owerhede en die
voertuigopsporingsmaatskappy van die gebeurtenis in kennis stel;
9.13.4.2 nie inmeng (byvoorbeeld deur nie fooie te betaal nie) met die opsporings-
of reaksiemaatskappy se vermoë of gewilligheid om die voertuig effektief
op te spoor en terug te vind nie;
9.13.4.3 nie u diensooreenkoms kanselleer nie.
U moet toestem tot inspeksies
9.13.5 Ons kan enige tyd ’n inspeksie-agent vra om u voertuig te inspekteer. Indien u nie tot
die inspeksie toestem nie, kan ons besluit om nie u voertuig te verseker nie. Ons het
die reg om die Bepalings, Voorwaardes en Uitsluitings te verander of die versekering
onmiddellik te kanselleer, gebaseer op die uitslag van die inspeksie.
U moet die koste aangaan om ’n voertuig na Suid-Afrika terug te bring
9.13.6 Indien verlies of skade aan die voertuig buite Suid-Afrika plaasvind maar binne die
lande waar u verseker is, is u verantwoordelik vir alle kostes om die voertuig na Suid-
Afrika terug te bring. Ons vergoed u nie vir hierdie koste nie.
9.13.7 Die voertuig moet eers na Suid-Afrika teruggebring word voordat ons enige eis vir
verlies of skade aan die voertuig sal oorweeg.
U moet ons in kennis stel van enige verkeersoortredings
9.13.8 U moet ons onmiddellik skriftelik in kennis stel indien u bestuurderslisensie, of die
bestuurderslisiensie van enigeen wat u toelaat om die voertuig te bestuur, geëndosseer,
opgeskort of gekanselleer is. Dit sluit in ’n skuldigbevinding of aanklagte wat teen u of
enigeen wat u toelaat om die voertuig te bestuur vir:
9.13.8.1 nalatige bestuur;
9.13.8.2 roekelose bestuur;
9.13.8.3 bestuur onder die invloed van alkohol of verdowingsmiddels of bestuur met
’n bloed-alkoholvlak hoër as die wettige limiet.
Ons kan die waarde betaal vir onbeskikbare onderdele
9.13.9 Indien enige onderdeel wat nodig is vir die herstel van die voertuig nie in Suid-Afrika
as ’n standaard onderdeel beskikbaar is nie, vergoed ons u vir ’n bedrag tot en met die
vervaardiger se lysprys ten tye van die verlies of skade. Hierdie bedrag sluit die redelike
koste in om die onderdeel na Suid-Afrika te vervoer, uitsluitend vliegkoste.
Motor