Allsure Policy Wording (Afrikaans)

Watervaartuigversekering
SAMSA-regulasies
10.6.10 Die polis of enige daaropvolgende hernuwing sal vermy word vanaf die begindatum
indien die watervaartuig en sy gebruik nie aan die regulasies voldoen nie:
10.6.10.1 die watervaartuig volg nie die ontwerp- en konstruksievereistes uiteengesit
in die Handelskeepvaartregulasies, 2007, nie;
10.6.10.2 indien die persoon wat die watervaartuig stuur, nie ’n
geldige Bevoegdheidsertifikaat het soos uiteengesit in die
Handelskeepvaartregulasies, 2007 nie, of indien daardie persoon nie onder
die toesig was van ’n persoon met ’n geldige Bevoegdheidsertifikaat soos
uiteengesit in die Handelskeepvaartregulasies, 2007 nie; en
10.6.10.3 indien die watervaartuig nie ’n geldige Bruikbaarheidsertifikaat of
Plaaslike Algemene Veiligheidsertifikaat het nie soos uiteengesit in die
Handelskeepvaartregulasies, 2007.
10.6.11 Hierdie SAMSA-vereistes is nie van toepassing nie indien die watervaartuig een van
die volgende is:
10.6.11.1 ’n seilwatervaartuig minder as 9 meter lank;
10.6.11.2 ’n kragaangedrewe watervaartuig onder 15 perdekrag;
10.6.11.3 ’n watervaartuig aangedryf deur mensekrag alleen.
Indien die watervaartuig u it die vaart geneem is
10.6.12 Ons gee nie u premies terug vir tydperke wanneer die watervaartuig nie kan vaar nie.
Dit beteken dat die watervaartuig buite gebruik en uit die water is.
Indien die watervaartuig ouer as 10 jaar is
10.6.13 Sodra die watervaartuig ouer as 10 jaar is, moet dit ondersoek word deur ’n
onafhanklike professionele inspekteur. Die ondersoek moet gedoen word terwyl die
watervaartuig uit die water is.
10.6.14 Ons betaal nie vir die ondersoek nie. Ons kan nuwe ondersoekverslae enige tyd hierna
aanvra, teen u koste.
10.6.15 Gebaseer op die resultaat van die ondersoek kan ons onmiddellik:
• die bepalings, voorwaardes en uitsluitings van u versekering verander; of
• u versekering kanselleer.
10.6.16 Indien u nie die ondersoek wil laat doen nie, is ons daarop geregtig om u nie te
vergoed nie.
69