Allsure Policy Wording (Afrikaans)

32
Indiensneming van ’n sekuriteitswag
6.3.21 Ons vergoed u vir die redelike koste om ’n sekuriteitswag in diens te neem na verlies of
skade weens ’n versekerde gebeurtenis.
6.3.22 Ons vergoed u tot en met die perk wat in die skedule aangedui is.
Waterverlies weens lekkasie
6.3.23 Ons vergoed u vir die koste van waterverlies weens lekkende pype in die Privaat Huis of
op die gronde daarvan, indien u verantwoordelik is vir die betaling daarvan.
6.3.24 Ons vergoed u alleenlik indien die waterlesing die gemiddelde van die vorige vier
waterlesings met 50% of meer oorskry het.
6.3.25 Indien u ’n lekkasie ontdek – hetsy deur fisiese bewys of deur ’n abnormaal hoë
waterrekening – moet u onmiddellik stappe doen om die pype op u eie koste te
herstel, anders vergoed ons u nie vir die waterverlies nie.
6.3.26 Ons vergoed u nie vir waterverlies as gevolg van:
6.3.26.1 lekkende krane, geisers of toilette nie;
6.3.26.2 swembaddens of lekkasies in hul inlaat- of uitlaatpype nie;
6.3.26.3 lekkasies wat plaasvind wanneer die Privaat Huis vir meer as 30 dae
onbewoon is nie.
6.3.27 Ons vergoed u tot en met die perk wat in die skedule aangedui is.
6.3.28 U kan vir hoogstens twee afsonderlike voorvalle van hierdie aard in elke 12-maandetydperk
eis.
Verwydering van bome wat omgeval het
6.3.29 Ons vergoed u vir die redelike koste vir die verwydering van bome wat omgeval het
by die Privaat Huis na ’n versekerde gebeurtenis. Ons vergoed u alleenlik indien u Ons
skriftelike toestemming het.
6.3.30 Ons vergoed u tot en met die perk wat in die skedule aangedui is.
6.3.31 U kan slegs een maal vir hierdie tipe dekking in elke 12-maande-tydperk eis.
Huiseienaarsaanspreeklikheid
Wat is verseker ingevolge die Huiseienaarsaanspreeklikheid-afdeling
6.3.32 Ons vergoed u indien u as die eienaar van die Privaat Huis aanspreeklik gehou word
vir:
6.3.32.1 toevallige dood van ’n ander persoon wat in die versekeringstydperk
plaasvind;
6.3.32.2 toevallige liggaamlike besering of siekte van ’n ander persoon wat in die
versekeringstydperk plaasvind;
6.3.32.3 toevallige verlies van of skade aan ’n ander persoon se eiendom wat in die
versekeringstydperk plaasvind.
6.4 Vergoeding
6.4.1 Die vergoeding sluit die volgende in:
6.4.1.1 die bedrae waarvoor u aanspreeklik is;
6.4.1.2 regskoste van die ander persoon waarvoor u aanspreeklik is;
6.4.1.3 kostes wat u met ons toestemming aangaan om die eis teen u te skik of te
verdedig.
Vergoedingsperk
6.4.2 Die vergoeding is beperk tot en met die bedrag wat in die skedule aangedui is ten
tye van die verlies, skade, liggaamlike besering, siekte of dood. Hierdie bedrag is van
toepassing op enige enkel gebeurtenis of vir ’n reeks insidente wat die gevolg is van
een gebeurtenis.
Huiseienaars