Allsure Policy Wording (Afrikaans)

34
Toevallige skade aan vaste masjinerie wat in u huis gebruik word (opsioneel)
Hierdie versekering is opsioneel. Kyk na u skedule om te sien of u verseker is en ook vir
die bybetalings wat van toepassing is.
Waarvoor ons u vergoed
6.4.10 Ons vergoed u vir toevallige verlies van of skade aan vaste masjinerie wat u vir
huishoudelike doeleindes gebruik. Die volgende items word verseker:
6.4.10.1 vaste masjinerie vir swembaddens (uitsluitende outomatiese
swembadskoonmakers); en
6.4.10.2 vaste masjinerie vir borrelbaddens, boorgate (uitsluitende windpompe),
sprinkelbesproeiingstelsels, filtreertoerusting, lugversorgers, elektriese hekke
en motorhuisdeure wat by die Privaat Huis geïnstalleer is.
6.4.11 Die vergoedingsperk vir enige een gebeurtenis is die perk wat in die skedule
aangedui word.
Waarvoor ons u nie vir toevallige skade vergoed nie
6.4.12 Ons vergoed u nie vir verlies van of skade aan vaste masjinerie wat direk of indirek
veroorsaak is deur die volgende nie:
6.4.12.1 waardevermindering, geleidelike oorsake en slytasie;
6.4.12.2 foutiewe ontwerp of vakmanskap of die gebruik van gereedskap of
toerusting op ’n verkeerde manier;
6.4.12.3 knaagdiere, miere en motte;
6.4.12.4 skoonmaak of herstelwerk;
6.4.12.5 roes, insakking, grondverskuiwing of die ineenstorting van enige gebou; en
6.4.12.6 doelbewuste oorlaaiing van die masjien.
6.4.13 Ons vergoed u nie vir enige verlies of skade wat kragtens ’n vervaardigerswaarborg of
deur ’n dienskontrak verseker is nie.
Kragstuwings (opsioneel)
Hierdie versekering is opsioneel. Kyk na u skedule om te sien of u verseker is en ook vir
die bybetaling wat van toespassing is.
6.4.14 Ons vergoed u vir skade aan die Privaat Huis wat veroorsaak is deur kragstuwings
weens toevallige veranderinge in die kragtoevoer van ’n openbare kragtoevoerowerheid.
Ons vergoed u nie indien die hoof elektriese verdeelborde van die
Privaat Huis nie beskerm is met stuwingbeskermers, weerligstuiters of ander
beskermingstoestelle geïnstalleer volgens SANS 0142-spesifikasie nie.
6.4.15 Ons vergoed u nie vir kragstuwings wat veroorsaak is deur doelbewuste
kragonderbrekings of beurtkrag nie.
6.4.16 Die vergoedingsperk vir enige een gebeurtenis of reeks gebeurtenisse is die perk in die
skedule.
6.5 Wat ons nie verseker nie
Indien u nie u Privaat Huis in stand hou nie
6.5.1 Ons vergoed u nie vir enige verlies of skade wat veroorsaak is omdat die Privaat Huis
nie in stand gehou is nie.
Huiseienaars