Allsure Policy Wording (Afrikaans)

14. Ontvallingsonkoste
14.1 Definisies in hierdie afdeling
U beteken die polishouer en ander persone wat in die skedule genoem
word.
Ongeluk beteken ’n gebeurtenis wat buite die liggaam is wat u nie kon vermy nie,
wat u nie bedoel het nie en wat u nie verwag het nie of kon voorsien
voorsien nie.
Natuurlike oorsake beteken dood weens oorsake behalwe ongelukke.
14.2 Wie ons verseker
Ons gee slegs vergoeding vir ontvallingsonkoste vir die volgende persone indien hulle in die
skedule genoem word:
• die polishouer;
• die polishouer se gade;
• die ouers van die polishouer en die polishouer se gade;
• die polishouer en polishouer se gade se ongetroude kinders. Die kinders moet:
– jonger as 22 jaar wees;
– jonger as 25 jaar wees as hulle voltydse studente is by ’n erkende opvoedkundige
inrigting en hoofsaaklik afhanklik is van die polishouer of die polishouer se gade vir
bystand;
• die polishouer en die polishouer se gade se voltydse huishoudelike personeel.
14.3 Wat ons verseker
Ons vergoed vir ontvallingsonkoste
14.3.1 Indien u sterf aan natuurlike oorsake of weens ’n ongeluk, vergoed ons u, u
boedel of u begunstigde vir die ontvallingsonkoste soos aangedui in die skedule.
Ontvallingsonkoste is koste vir die begrafnis.
Repatriasiekoste
14.3.2 Repatriasie beteken u liggaam word na Suid-Afrika teruggebring indien u sterf terwyl u
buite Suid-Afrika is. Ons vergoed u, u begunstigde of u boedel met die redelike koste
tot die perk wat in die skedule aangedui is om u liggaam na Suid-Afrika terug te bring.
14.4 Wat ons nie verseker nie
Dood weens selfmoord
14.4.1 Ons vergoed nie vir selfmoord wat plaasvind binne twee jaar van die datum waarop die
persoon die eerste keer in hierdie afdeling bygevoeg is nie.
Dood weens voorafbestaande mediese toestand
14.4.2 Ons vergoed nie vir dood weens ’n voorafbestaande mediese toestand indien die dood
plaasvind binne ses maande van die datum waarop u die persoon die eerste keer in
hierdie afdeling bygevoeg het nie.
14.5 Vergoeding
Ontvallingsonkoste
Vergoedingsperk
14.5.1 Ons gee vergoeding vir die perk aangedui in die skedule.
77