Allsure Policy Wording (Afrikaans)

58
9.10.11.5 enige persoon wat reis op of opklim op of afklim van enige kategorie D
Tipe voertuig.
Verlies of skade aan sekere persone se eiendom
9.10.12 Ons vergoed nie vir Aanspreeklikheid vir verlies van of skade aan eiendom:
9.10.12.1 wat u, ’n persoon wat met u toestemming die voertuig gebruik of bestuur
of enige lede van u familie besit, bewaar, of beheer nie;
9.10.12.2 in of op ’n woonwa of sleepwa terwyl dit gesleep word nie.
Aanspreeklikheid voortspruitend u it ’n kontrak
9.10.13 Ons vergoed nie vir aanspreeklikheid voortspruitend uit ’n kontrak wat u aangegaan
het nie tensy u aanspreeklik sou wees selfs indien daar geen kontrak was nie.
Boetes en strawwe
9.10.14 Ons vergoed nie vir enige bestraffende skadevergoeding, boetes of strawwe waarvoor
u aanspreeklik is nie.
Aanspreeklikheid met betrekking tot besoedeling en kontaminasie
9.10.15 Ons vergoed nie vir Aanspreeklikheid wat verband hou met besoedeling of
kontaminasie van enige aard nie. Dit sluit in die koste om enige eiendom wat deur
besoedeling of kontaminasie beskadig is skoon te maak of te vervang.
Indien u ingevolge ander versekeringswetgewing verseker is
9.10.16 Ons vergoed u nie vir Aanspreeklikheid waar u Aanspreeklkheidsversekering ingevolge
enige ander motorvoertuig-versekeringswetgewing het nie.
9.11 Wat ons nie verseker nie
Ingevolge die Motorafdeling vergoed ons u nie vir eise vir enige van die volgende nie:
9.11.1 Waardervermindering wat voortspruit uit herstelwerk na ’n versekerde gebeurtenis.
9.11.2 Slytasie, meganiese, elektroniese of elektriese onklaarraking, weiering of breekskade.
9.11.3 Skade kwaadwilliglik veroorsaak aan buitebande, of deur lekplekke, snye en barste of
deur rem te trap.
9.11.4 Enige owerheid wat die voertuig of enige deel van die voertuig wettiglik neem of
beslag lê daarop.
9.11.5 Enige gebeurtenis wat plaasvind buite die lande waar u verseker is (sien Algemene
afdeling), behalwe terwyl die voertuig op water vervoer word tussen hawes in
hierdie lande.
9.11.6 Die voertuig word bestuur of gebruik in enige van die volgende omstandighede:
9.11.6.1 sonder ’n voertuiglisensie wat geldig is in die land waar die voertuig gebruik
word;
9.11.6.2 terwyl u, of enige ander persoon met u toestemming, die voertuig bestuur
sonder ’n bestuurders- of leerlinglisensie wat geldig is in die land waar
die voertuig gebruik word; of indien u, of enige ander persoon met u
toestemming, nie die wette wat op lisensies van toepassing is, nakom nie;
9.11.6.3 terwyl u die voertuig bestuur onder die invloed van alkohol of
verdowingsmiddels; of u die voertuig bestuur wanneer u bloed-alkoholvlak
oor die wettige limiet is;
9.11.6.4 terwyl enige ander persoon die voertuig met u toestemming bestuur, en
met u wete onder die invloed van alkohol of verdowingsmiddels is, of hul
bloed-alkoholvlak oor die wettige limiet is;
9.11.6.5 terwyl die voertuig in ’n toestand is wat nie aan die Padverkeerordonansies
van Suid-Afrika, of soortgelyke wetgewing wat van toepassing is in die land
waar die voertuig bestuur word, voldoen nie.
Motor