Allsure Policy Wording (Afrikaans)

2. Die gebruik van u Polis
2.1 Definisies
Hierdie definisies is van toepassing op die hele polis. Kyk asseblief na die definisies wat spesifiek
is tot elke afdeling aan die begin van die afdeling.
U beteken die persoon wat in die skedule as die polishouer genoem word.
In sekere afdelings sluit dit u gade en familie in wat by u woon en wat
finansieel van u afhanklik is.
Kyk na elke afdeling vir wie verseker is.
Ons beteken Mutual & Federal Versekeringsmaatskappy Beperk,
registrasienommer 1970/006619/06.
Gade beteken ’n persoon wat:
• die metgesel van die polishouer is in enige huwelik, siviele verbintenis
of gewoonteverbintenis wat deur die Suid-Afrikaanse reg erken
word; of
• saam met die polishouer bly in ’n verhouding wat bedoel is om
permanent te wees en in die skedule genoem word.
Aanspreeklikheid beteken verantwoordelikheid volgens wet.
Begunstigde beteken die persoon wat u kies en wie se naam in die skedule verskyn om
vergoeding te ontvang as u sterf.
Bybetaling beteken die eerste bedrag wat u moet betaal voordat ons u vergoed vir
’n eis.
Gevolgskade beteken enige bykomende verlies of skade wat ontstaan as gevolg van die
versekerde verlies of skade.
Kan beteken “is geregtig op”.
Uitsluiting beteken ’n gebeurtenis, verlies of skade wat nie verseker is nie.
Verjaardatum beteken die datum 12 maande na die begindatum van u polis, tensy u
polis dit spesifiek anders meld.
Versekeringstydperk beteken vir jaarlikse polisse: die tydperk vanaf die begindatum van u
versekering tot die verjaardatum;
vir maandelikse polisse: die tydperk vanaf die begindatum van u
versekering tot dieselfde dag van die maand een maand later.
Word aanspreeklik beteken word aanspreeklik gehou volgens wet deur ’n
gehou Suid-Afrikaanse Hof.
2.2 Struktuur
Die gebruik van u Polis
Die struktuur van hierdie polis is dieselfde vir elke afdeling, behalwe die Algemene afdeling. In
elke afdeling sal u die volgende vind:
• Definisies in die afdeling
• Wie ons verseker
• Wat ons verseker
• Wat ons nie verseker nie
• Vergoeding
• Spesiale voorwaardes (indien enige)
• Hoe om te eis (indien daar enige bykomende vereistes is)
3