Allsure Policy Wording (Afrikaans)

Motor
9.12 Vergoeding
Hoe ons u vergoed
9.12.1 Ons vergoed u op een of meer van die volgende maniere:
• betaal vir die voertuig se herstelwerk by ’n hersteller wat ons goedkeur;
• vervang die voertuig;
• betaal die bedrag van die verlies, skade of aanspreeklikheid;
Ons alleen besluit hoe ons u gaan vergoed.
Bybetaling
9.12.2 Daar is ’n bybetaling in die skedule vir motor. Dit is die bedrag wat u moet betaal
voordat ons u vergoed.
Vergoedingsperk
Vir eerste eienaars van nuwe voertuie (slegs voertuigtipes A, B en C)
9.12.3 Ons vergoed u tot en met die perk aangedui in die skedule indien u die eerste
geregistreerde eienaar van ’n nuwe voertuig is en indien die volgende met die voertuig
gebeur binne 12 maande van registrasie:
9.12.3.1 dit is gesteel of gekaap en is nie teruggevind nie;
9.12.3.2 dit is beskadig en dit kan nie na ons mening ekonomies herstel word nie.
9.12.4 Vir voertuie wat met ’n Kleinhandelwaarde verseker is, is die vergoedingsperk die
laagste van die volgende:
9.12.4.1 die huidige koopprys van ’n nuwe voertuig van dieselfde model (of
soortgelyke model indien dieselfde model nie beskikbaar is nie) ten tye van
die verlies of skade, minus enige bybetaling;
9.12.4.2 die kleinhandelwaarde ten tye van die verlies of skade, minus enige
bybetaling.
9.12.5 Vir voertuie wat met ’n Ooreengekome waarde verseker is, is die vergoedingsperk die
Ooreengekome waarde aangepas vir agteruitgang, minus enige bybetaling.
Indien u nie die eerste geregistreerde eienaar van die voertuig is nie
9.12.6 Ons vergoed u tot en met die vergoedingsperk soos aangedui in die skedule indien
u nie die eerste geregistreerde eienaar van die voertuig is nie, indien een van die
volgende met die voertuig gebeur, na 12 maande na die eerste registrasie:
9.12.6.1 dit is gesteel of gekaap en is nie teruggevind nie;
9.12.6.2 dit is beskadig en dit kan nie na ons mening ekonomies herstel word nie.
9.12.7 Die vergoedingsperk is die Kleinhandelwaarde of Ooreengekome waarde van die
voertuig aangepas na agteruitgang (soos toepaslik) ten tye van die verlies of skade,
minus die bybetaling.
Geen dekking vir klanktoerusting nie
9.12.8 Ons verseker nie klanktoerusting ingevolge die volgende tipes versekering nie:
9.12.8.1 Derde Party, Brand en Diefstal;
9.12.8.2 Slegs Derde Party.
Ons vergoed u vir klanktoerusting indien afsonderlik verseker as bybehore ingevolge
hierdie afdeling of ingevolge die Alle Risiko’s-afdeling.
Verhaling van die bybetaling
9.12.9 Dit is nie ons plig om u bybetaling terug te vorder van die party wat die skade of verlies
veroorsaak het nie. Ons kan egter besluit om dit te doen. Indien ons u bybetaling ten
volle of gedeeltelik verhaal, sal ons dit ten volle of gedeeltelik aan u terugbetaal.
59