Allsure Policy Wording (Afrikaans)

54
Noodonkoste vir akkommodasie
9.7.16 Hierdie versekering is slegs van toepassing op motors, goedere voertuie, 4x4s en 4x2s,
soos uiteengesit in ‘Tipe voertuie wat ons verseker’ hierbo.
9.7.17 Ons vergoed u vir die akkommodasiekostes wat u en een passasier aangegaan het
weens verlies of skade aan die voertuig. Ons vergoed u tot en met die perk aangedui
in die skedule per persoon per dag vir ’n maksimum van twee dae.
9.7.18 U kan slegs vir hierdie versekering eis indien die verlies of skade verder as 250 km van
die Privaat Huis aangedui in die skedule plaasgevind het.
Ontvallingsonkoste
9.7.19 U kan alleen vir Ontvallingsonkoste eis indien ons ’n eis vir verlies of skade ingevolge
hierdie afdeling aanvaar het. Ons vergoed u boedel indien u sterf as gevolg van die
insident wat aanleiding gegee het tot die eis binne drie maande van daardie insident.
Ons gee vergoeding tot en met die perk wat in die skedule aangedui is vir enige
enkele eis.
Slotte, sleutels en afstandbeheer
9.7.20 Ons vergoed u vir verlies of skade aan die voertuig se slotte, sleutels en
afstandbeheertoestelle tot en met die perk wat in die skedule verskyn vir enige
enkele eis.
Opsporingstelsel
9.7.21 Indien u ’n opsporingstelsel in u voertuig het en die voertuig word onherstelbaar
beskadig, of is onopspoorbaar na die diefstal, gee ons u vergoeding vir die
koste om ’n opsporingstelsel in u nuwe voertuig te installeer. U kontrak met die
opsporingsmaatskappy moet geldig wees en die betalings moet op datum wees ten
tye van die verlies of skade. Ons moet die installasie goedkeur voordat u daarmee
voortgaan.
9.7.22 Ons vergoed u tot en met die perk wat in die skedule verskyn.
Traumaberading na ’n geweldsdaad
9.7.23 Ons vergoed u vir professionele berading waarvoor u betaal het nadat u ’n slagoffer
was van ’n geweldsdaad van diefstal, gepoogde diefstal, roofaanval of kaping van die
voertuig. ’n Geregistreerde professionele berader moet die berading gee.
9.7.24 Ons vergoed u tot en met die perk wat in die skedule verskyn vir enige enkele eis.
Meganiese en Elektriese onklaarraking van die voertuig
9.7.25 Hierdie versekering is slegs van toepassing op motorvoertuie, Goedere voertuie, 4x4s
en 4x2s soos uiteengesit in die ‘Tipes voertuie wat ons verseker’ hierbo.
9.7.26 Indien daar ’n meganiese of elektriese onklaarraking van die voertuig is, vergoed ons
u tot en met die perk aangedui in die skedule vir koste wat u moes aangaan om die
voertuig te beskerm en na ’n hersteller te vervoer. Ons vergoed u vir ’n onklaarraking
slegs een keer in elke 12-maande-tydperk. Ons gee slegs vergoeding indien u nie enige
ander onklaarrakingversekering het nie.
Motorhuur (Opsioneel)
9.7.27 Hierdie versekering is opsioneel soos aangedui in die skedule. Kyk asseblief na u
skedule om te sien of u vir motorhuur verseker is.
9.7.28 Hierdie versekering is slegs van toepassing op motors, goedere voertuie, 4x4s en 4x2s,
soos uiteengesit in ‘Tipe voertuie wat ons verseker’ hierbo.
Motor