Allsure Policy Wording (Afrikaans)

11. Persoonlike Rekenaars
70
11.1 Definisies in hierdie afdeling
U beteken die polishouer en enigeen wat ons ingevolge hierdie afdeling
verseker.
U Rekenaar beteken enige rekenaar en toebehore wat aan u behoort. Dit sluit in
die toetsbord, monitor, drukker en enige ander toebehore insluitende
sagteware, wat in die skedule beskryf word.
11.2 Wie ons verseker
Ons verseker slegs die volgende persone indien hulle in die skedule genoem word:
• die polishouer; en
• lede van die polishouer se familie wat by hulle bly.
11.3 Wat ons verseker
Fisiese verlies of skade
11.3.1 Ons vergoed u vir fisiese verlies van of skade aan u rekenaar.
Verlies van data en programme
11.3.2 Ons vergoed u vir die redelike koste van die hersamestelling van data of programme
wat verloor is omdat dit per ongeluk uitgevee is.
11.3.3 Ons vergoed u tot die perk aangedui in die skedule vir enige enkele verlies of reeks
verliese wat die gevolg is van een gebeurtenis.
11.4 Wat ons nie verseker nie
Uitwissing van data
11.4.1 Vir verlies van data of programme, vergoed ons u nie vir toevallige uitwissing van data
veroorsaak deur die volgende nie:
11.4.1.1 programfoute;
11.4.1.2 virusse, trojaanse perde, wurms of ander vernietigende media- of
rekenaarprogramme;
11.4.1.3 verkeerde data-inskrywings; en
11.4.1.4 bedorwe data.
Fisiese verlies of skade
11.4.2 Vir fisiese verlies of skade, vergoed ons u nie vir die volgende nie:
11.4.2.1 verlies of skade wat verseker is ingevolge enige instandhoudings- of
huurooreenkoms of -reëling;
11.4.2.2 verlies of skade wat verseker is ingevolge enige waarborg, dienskontrak of
koopooreenkoms;
11.4.2.3 verlies of skade wat plaasvind as gevolg van die volgende:
11.4.2.3.a ongediertes of motte;
11.4.2.3.b ’n geleidelike oorsaak;
11.4.2.3.c skoonmaak of opgradering van u rekenaar;
11.4.2.3.d u rekenaar word in beslag geneem of gehou as deel van
’n regsproses;
Persoonlike Rekenaars