Allsure Policy Wording (Afrikaans)

84
Geringe beeld-elementkwessies
16.4.9 Ons vergoed nie vir skade aan plasma- of LCD-panele vir geringe beeldelementkwessies
wat nie u algehele beeld beïnvloed nie. Dit sluit in vermiste beeldelemente,
flitsende beeld-elemente of verkeerdekleur-beeld-elemente. Beeld-elemente
is die klein blokkies kleur of prent wat die hele prent op u televisieskerm uitmaak.
Heraansluiting van toestelle
16.4.10 Ons vergoed u nie vir koste om ’n toestel na herstel of ’n uitroep, weer aan te sluit of
te herinstalleer nie.
Gevolgskade
16.4.11 Ons vergoed u nie vir enige gevolgskade as gevolg van, verlies of skade, direk
of indirek, wat plaasvind omdat die toestel vir watter rede nie gewerk het nie.
Gevolgskade beteken enige bykommende verlies of skade wat ontstaan as gevolg van
die verekerde verlies of skade.
16.5 Vergoeding
Hoe ons u vergoed
16.5.1 Ons vergoed u vir:
• arbeidskoste;
• koste van onderdele.
16.5.2 Ons vergoed u vir herstelwerk aan die item sodat dit weer nornaalweg werk.
16.5.3 Indien dit nie herstel kan word nie, vergoed ons u die maksimum herstelwaarde of
50% van die vervangingskoste van ’n soortgelyke toestel. Ons sal nie vergoed vir meer
as die perk aangedui in die skedule vir die item nie.
Bybetaling
16.5.4 Daar is ’n bybetaling in die skedule vir elke item wat ons ingevolge hierdie afdeling
verseker. Dit is die bedrag wat u moet betaal voordat ons begin om u te vergoed.
Vergoedingsperk
16.5.5 Ons vergoed u tot die perk wat in die skedule verskyn.
16.6 Spesiale voorwaardes
Vergoedingskeuse as ons nie onderdele en handleiding kan kry nie
16.6.1 Ons hoef nie ’n toestel te herstel indien ons nie onderdele of die dienshandleiding van
die vervaardiger kan kry nie.
’n Toestel word nie meer verseker nie
16.6.2 Ons kan weier om die toestel te verseker sodra dit reggemaak is, of indien dit nie
reggemaak kan word nie.
Meganiese en Elektriese Onklaarraking