Allsure Policy Wording (Afrikaans)

5. Persoonlike Aanspreeklikheid
5.1 Definisies in hierdie afdeling
U beteken die polishouer en enigeen wat ons ingevolge hierdie afdeling
verseker.
5.2 Wie ons verseker
Ons verseker slegs die volgende persone as hulle in die skedule genoem word:
• die polishouer;
• lede van die polishouer se familie wat saam met hulle bly.
5.3 Wat ons verseker
Persoonlike Aanspreeklikheid
Toevallige dood, liggaamlike besering, siekte, verlies of skade aan eiendom
5.3.1 Ons vergoed u indien u aanspreeklik gehou word vir:
5.3.1.1 toevallige dood van ’n ander persoon wat plaasvind in die
versekeringstydperk;
5.3.1.2 toevallige liggaamlike besering of siekte van ’n ander persoon wat plaasvind
in die versekeringstydperk;
5.3.1.3 toevallige verlies van of skade aan eiendom wat aan ’n ander persoon
behoort en wat plaasvind in die versekeringstydperk.
5.3.2 Indien ’n eis enigsins veroorsaak word deur onregmatige inhegtenisname, vergoed ons
u ingevolge die bepalings vir onregmatige inhegtenisname hieronder.
Vergoeding
5.3.3 Die vergoeding vir toevallige dood, liggaamlike besering, siekte, verlies van of skade
aan eiendom soos hierbo sluit die volgende in:
• die bedrae waarvoor u aanspreeklik is;
• regskoste van die ander persoon waarvoor u aanspreeklik is;
• koste wat u aangaan met ons toestemming om ’n eis teen u te skik of te verdedig.
Vergoedingsperk
5.3.4 Die vergoeding is beperk tot die bedrag wat in die skedule aangedui is ten tye van die
verlies, skade, liggaamlike besering, siekte of dood. Hierdie bedrag is van toepassing
op enige enkel gebeurtenis of ’n reeks insidente wat die gevolg is van een gebeurtenis.
Onregmatige inhegtenisname
5.3.5 Die versekering is van toepassing wanneer u aanspreeklik gehou word vir onregmatige
inhegtenisname wat plaasvind gedurende die versekeringstydperk. Dit sluit in
aanspreeklikheid vir aanranding of deursoeking in verband met daardie onregmatige
inhegtenisname.
Vergoeding
5.3.5.1 Die vergoeding vir onregmatige inhegtenisname sluit die volgende in:
5.3.5.1.a die bedrae waavoor u aanspreeklik is;
5.3.5.1.b regskoste van die ander persoon waarvoor u aanspreeklik is;
5.3.5.1.c koste wat u aangaan met ons toestemming om ’n eis teen u
te skik of te verdedig.
25