Allsure Policy Wording (Afrikaans)

28
Aanspreeklikheid wat ontstaan u it ’n kontrak
5.5.4 Ons vergoed nie vir Aanspreeklikheid wat ontstaan uit ’n kontrak wat u aangegaan het
nie, tensy u aanspreeklik sou gewees het as daar geen kontrak was nie, behalwe vir
kontrakte aangegaan met sekuriteits-, gewapende reaksie- of tuindiensmaatskappye
ingevolge hierdie afdeling.
Aanspreeklikheid met betrekking tot ondersteuning van eiendom
5.5.5 Ons vergoed nie vir Aanspreeklikheid met betrekking tot vibrasie, verwydering,
verswakking of inmenging met die ondersteuning van enige grond, gebou of ander
eiendom nie.
Beslissings of skikkings ingevolge VSA- of Kanadese reg
5.5.6 Ons vergoed nie vir:
5.5.6.1 enige beslissing of skikking gemaak in lande wat die reg van die VSA of
Kanada volg nie;
5.5.6.2 enige bevel gemaak om ’n beslissing of skikking wat in die VSA of Kanada
gemaak is, af te dwing nie.
Boetes en strawwe
5.5.7 Ons vergoed nie vir enige bestraffende skadevergoeding, boetes of strawwe waarvoor
u aanspreeklik gehou word nie.
Aanspreeklikheid gebaseer op gebeurtenisse wat doelbewus veroorsaak is
5.5.8 Ons vergoed nie enige Aanspreeklikheid indien u of enige persoon wat met u
saamwerk die verlies, skade, dood of liggaamlike besering doelbewus veroorsaak
het nie.
Aanspreeklikheid met betrekking tot besoedeling of kontaminasie
5.5.9 Ons vergoed nie vir Aanspreeklikheid met betrekking tot besoedeling of kontaminasie
van enige aard nie. Dit sluit in die koste om enige eiendom wat deur besoedeling of
kontaminasie beskadig is, skoon te maak of te vervang.
Aanspreeklikheid met betrekking tot roerende en onroerende eiendom
5.5.10 Ons vergoed nie vir Aanspreeklikheid veroorsaak deur huur of uithuur van roerende en
onroerende eiendom vir vergoeding nie.
Persoonlike Aanspreeklikheid