Allsure Policy Wording (Afrikaans)

Motor
9.10.3.1 moet nie ’n reg hê op vergoeding ingevolge enige ander versekering nie;
9.10.3.2 moes nie te eniger tyd motorversekering geweier wees nie;
9.10.3.3 moet voldoen aan die Bepalings, Voorwaardes en Uitsluitings van hierdie
polis. Dit is u verantwoordelikheid om seker te maak dat enige persoon wat
u voertuig bestuur of gebruik, bewus is van die Bepalings, Voorwaardes en
Uitsluitings van hierdie polis.
Aanspreeklikheidsversekering vir voertuie wat nie ingevolge hierdie polis verseker is nie
9.10.4 Ons vergoed u ook indien u aanspreeklik gehou word vir ’n ander persoon se dood,
liggaamlike besering, verlies of skade aan eiendom (behalwe verlies of skade aan die
voertuig self) wat veroorsaak is terwyl u ’n tipe voertuig in kategorie A, B of C bestuur
of gebruik wat nie in hierdie polis gedurende die versekeringstydperk verseker is nie.
9.10.5 Ons gee slegs vergoeding indien:
9.10.5.1 u nie die voertuig besit nie;
9.10.5.2 u nie die voertuig ingevolge ’n kredietooreenkoms of soortgelyke
ooreenkoms koop, verhuur of huur nie.
9.10.6 Kyk asseblief na u skedule vir die aanspreeklikheidsperke wat op elke voertuig van
toepassing is.
Vergoeding
9.10.7 Die vergoeding sluit die volgende in:
• die bedrae waarvoor u aanspreeklik is;
• regskoste van die ander persoon waarvoor u aanspreeklik is;
• koste wat u met ons toestemming aangaan om die eis teen u te skik of te verdedig.
Vergoedingsperk
9.10.8 Die vergoeding is beperk tot die bedrag aangedui in die skedule ten tye van die
versekerde gebeurtenis. Hierdie bedrag is van toepassing op enige enkele gebeurtenis
of vir ’n reeks insidente wat die gevolg is van een gebeurtenis.
9.10.9 Vir bestuurders van 25 jaar en jonger, moet u kyk na die aanspreeklikheidsperk in die
skedule vir dood of liggaamlike besering aan ander persone wat in die voertuig reis. Dit
word aangedui as die Passasiersaanspreeklikheidsperk in die skedule.
Regsverteenwoordiging vir Aanspreeklikheidseise
9.10.10 Ons kan reël vir die volgende:
9.10.10.1 verteenwoordiging vir u by enige doodsondersoek wat die gevolg is van ’n
versekerde gebeurtenis;
9.10.10.2 regsverteenwoordiging vir u verdediging by enige strafsaak wat die gevolg
is van ’n versekerde gebeurtenis.
Wat nie verseker is ingevolge Aanspreeklikheid nie
Dood van of liggaamlike besering aan sekere persone
9.10.11 Ons vergoed u nie vir aanspreeklikheid vir dood of liggaamlike besering van die
volgende persone nie:
9.10.11.1 u, ’n persoon wat die voertuig met u toestemming gebruik of bestuur of
lede van u familie wat normaalweg by u bly;
9.10.11.2 u werknemers, behalwe huishoudelike werknemers, wat in die bestek van
hul diens met u optree ten tye van die gebeurtenis;
9.10.11.3 enige persoon in of op ’n woonwa of ’n sleepwa terwyl dit deur die
voertuig gesleep word;
9.10.11.4 enige passasier wat buite die kajuitkap van die voertuig was ten tye van die
gebeurtenis;
57