Allsure Policy Wording (Afrikaans)

50
9.5.2 U moet die volgende items afsonderlik verseker:
9.5.2.1 nie-fabriekstoegeruste bybehore;
9.5.2.2 krediettekort (enige bedrae verskuldig op die voertuig).
9.5.3 U kan die bedrae waarvoor die nie-fabriekstoegeruste toebehore verseker is enige
tyd verander. Indien u dit doen, kan die veranderinge nie van toepassing wees voor
die datum waarop u die veranderinge aangevra het nie. U moet seker maak dat die
waarde van die addisionele toebehore akkuraat en op datum is.
9.5.4 Redelike kleinhandelwaarde is nie op woonwaens en sleepwaens, motorfietse,
gholfkarre of ontspanningstrekkers wat gebruik word vir ontspanning van
toepassing nie.
Tipe 2: Ooreengekome waarde
9.5.5 Die Ooreengekome waarde word gebruik vir ’n spesiale klas voertuie, byvoorbeeld
ingevoerde sportmotors of antieke motors.
9.5.6 Die Ooreengekome waarde is die waarde waarvoor u die voertuig wil verseker,
insluitende die fabriekstoegeruste toebehore daarvan. Die Ooreengekome waarde
word in die skedule aangedui. U moet aan ons bewys van waarde vir die voertuig van
drie erkende motorvoertuighandelaars lewer. Indien die toestand van die voertuig
agteruitgaan na die waardasie van die ooreengekome waarde maar voor ’n eis, kan die
vergoedingsbedrag laer wees indien daar ’n eis ingestel word.
9.5.7 Op elke verjaardatum van die polis, moet u aan ons ’n nuwe bewys van waarde vir die
volgende 12 maande van versekering gee.
9.5.8 Indien ons nie ’n nuwe bewys van waarde teen die verjaardatum ontvang nie en die
polis word hernu, sal die Ooreengekome waarde nie verander nie.
Motorfietse en verwante voertuie, woonwaens en sleepwaens, gholfkarre en
ontspanningstrekkers
9.5.9 Die maksimum vergoeding wat ons sal betaal is die vergoedingsperk aangedui in die
skedule of die redelike kleinhandelwaarde van die voertuig ten tye van die verlies, wat
ook al die laagste is.
9.6 Tipe versekering
9.6.1 Daar is drie tipe versekerings ingevolge hierdie afdeling:
9.6.1.1 Omvattend;
9.6.1.2 Derde Party, Brand en Diefstal;
9.6.1.3 Slegs Derde Party.
Motor