Allsure Policy Wording (Afrikaans)

Huiseienaars
Moenie u Privaat Huis onbewoon laat sonder ons toestemming nie
6.5.2 U moet ons in kennis stel indien u, u Privaat Huis vir meer as 60 aaneenlopende dae
in enige 12-maande-tydperk onbewoon laat sodat ons u premie kan aanpas of u
Bepalings, Voorwaardes en Uitsluitings kan verander. Indien u Ons nie in kennis stel
nie, sal ons u nie vergoed vir enige verlies of skade terwyl die Privaat Huis onbewoon is
nie.
Wanneer u bouveranderinge aan u Privaat Huis doen
6.5.3 Wanneer u bouveranderinge doen, en daar verlies, skade of Aanspreeklikheid deur die
bouveranderinge veroorsaak word, vergoed ons u nie vir die volgende nie:
6.5.3.1 glas- en sanitêre ware (byvoorbeeld toilette, baddens en spoelbakke);
6.5.3.2 alternatiewe akkommodasie en huur;
6.5.3.3 Huiseienaarsaanspreeklikheid.
Verseker nakoming van bouwette en -regulasies
6.5.4 Ons vergoed u nie vir verlies of skade as gevolg daarvan dat u Privaat Huis nie aan die
Nasionale Bouregulasies of aan enige ander wette of regulasies wat van toepassing is
op boustandaarde en -instandhouding voldoen nie.
6.6 Vergoeding
Hoe ons u vergoed
6.6.1 Ons vergoed u vir verlies van of skade aan die Privaat Huis deur een of ’n kombinasie
van die volgende:
• ons betaal die koste van die verlies of skade;
• ons vervang wat ook al verloor of beskadig is;
• ons herstel wat ook al beskadig is.
6.6.2 Ons baseer die vergoeding op die vervangingswaarde van soortgelyke nuwe eiendom
ten tye van die verlies of skade. Die vergoedingsperk is die bedrag wat in die skedule
aangedui is en moet die slopingskoste en professionele gelde insluit.
Ons sien om na die u itlener se regte
6.6.3 Indien u ’n verband op u Privaat Huis geregistreer het en u vir verlies of skade eis,
vergoed ons die uitlener (ook bekend as die verbandhouer) eerste.
6.6.4 Die vergoeding is beperk tot die bedrag wat u op die verband skuld.
Voorbeeld:
Johan koop ’n Huis vir R1 000 000 en leen geld om daarvoor te betaal. Die bank
registreer ’n verband oor die geboue vir die volle waarde. Johan koop versekering
vir die volle waarde. Johan het R400 000 aan die bank terugbetaal toe sy Huis in ’n
brand vernietig is. Johan eis van sy versekering. Ons vergoed die bank vir R600 000
en ons vergoed Johan R400 000 vir die skade, minus enige bybetaling.
6.6.5 As u in enige opsig iets doen of nie doen nie, wat hierdie polis ongeldig maak, sal ons
steeds die uitlener vergoed indien:
6.6.5.1 die uitlener onbewus was dat u in enige opsig iets gedoen het of nie
gedoen het nie, wat die polis ongeldig gemaak het;
6.6.5.2 die uitlener ons in kennis stel van die daad of versuim sodra die uitlener
daarvan bewus word.
35