Agri NW Jongboer - Senwes Tuisblad

64 64
64 ••• iN my viSiEr
Lelike lieflinge
van die Bosveld
Die droë kameeldoring in die sandsloot
was ’n donker spookding met groteske arms
en na meer as drie ure se sit in die windpomp het
ek my verbeel dat hy elke nou en dan beweeg. toe
’n jakkals skielik naby in die ylboomvlakte kla, het
sy melankoliese roep my nekhare onwillekeurig laat
rys. in die helder maanlig kon ek die vlakte sien,
maar selfs met my verkyker het die skadu’s geheimsinnige
donker poele gebly en die jakkals onsigbaar.
’n sagte geluid skuins agter my het my aandag
getrek en toe ek my kop draai, snork die “ding” reg
onder die windpomp. die half vraende snork was
onmiskenbaar, maar in my verbeelding het ek die
luiperdmannetjie (wat skynbaar daar naby die windpomp
gehou het) skuins agter my sien hurk, sy oë
brandend op my rug. skielik was my rug laaistokstyf
en terwyl my oë die dierasie soek sonder dat ek
my kop draai, het my regterhand na die 7x57 se
veiligheidsknip gesoek...toe snork die vlakvark weer.
hierdie keer was die geluid onmiskenbaar en ek
het ’n harde sug van verligting geslaak...toe spat die
klippers soos die varke hardloop. daar was twee. dit
was kwart voor nege die aand. Waarom dié twee in
die nag wou kom suip weet nugter, want vlakvarke
is eintlik daglopers en hul sig is by die beste van tye
maar swak. soms, lyk dit my, loop hulle tog snags
want ek het in die oos-kaap en ook naby pongola
in noord-natal vlakvarke op helder maanligaande
sien wei.
twee dae na die windpomp-episode (wat in die
ou suidwes-Afrika afgespeel het) het ek ’n groot
beer geskiet. ek het met ’n droë loop langs gestap
en toe skielik beweging sowat 100 m voor my gesien.
dit was ’n sog met drie varkies en sowat 15 m
agter hulle het ’n groot beer gevolg. Almal op pad in
my rigting.
die meeste van ons dink aan varke as regte
kop-in-die-grond-diere maar het julle al opgelet hoe
’n vlakvark hardloop? daardie ou groot kop word op
’n baie aristokratiese wyse hoog gedra. ek het agter
’n yl boompie vasgesteek en gewag...my aandag by
die beer. die sog het al nader gekom...35 treë...
25...15...en toe gewaar sy my. maar in plaas daarvan
dat sy omdraai, het sy spoed opgetel en verby
>
Koos Barnard
my gesnel, met die jong varkies in ’n stofwolk
agterna.
hulle skielike vaartversneling was die beer se
ondergang, want hy het effens gehuiwer, sy aandag
ten volle by die sog en kleintjies. die kruishaar
het oor sy kop gedans en toe word ek bewus van
die mauser se skerp knal. dié ou vark het ’n mooi
stel tande gehad en ek het ’n stukkie van een
gebruik om ’n diamantvormige inlegsel in die kolf
van my 7x57 te maak.
my laaste vlakvarkjag was ’n onlangse een in
die oos-kaap waar die varke op sommige plekke
groot skade aanrig en uitgedun moet word. ek het
’n beer bekruip wat sy oggendslapie in ’n son kolletjie
geniet het. terwyl hy rus, het ek hom geruime
tyd dopgehou. hy het sy een agterbeen gedurig
ge strek en toe hy later opstaan, het ek gemerk dat
hy kruppel in daardie been was. toe hy wegdraai
en begin aanstap, het ek soos ’n vlakvark gesnork
waarop hy gestop en omgedraai het, soe kend na
die geluid. ek het die kruishaar laag tussen sy oë
laat rus en die sneller gedruk. dis dié beer wat op
die agtergrondfoto verskyn.
hierdie ou lelike, mooi vratgesigdiere en operige
bosveld is sinoniem en sommiges verwys na
hulle as die “lelike lieflinge van die bosveld”. die
troetelnaam spruit uit die feit dat hul teenwoordigheid
daarop dui dat ander wild ook daar sal floreer;
dat hul redelik maklik is om te jag (ideaal vir jong
jagters se inlywing); dat ’n jong vark so vrek lekker
smaak en dat hul potsierlike bou en komieklike
wegdraf soveel plesier verskaf.
daar is ook ’n ander rede waarom ek ’n sagte
plekkie vir hulle het. vlakvark-sôe skroom nie om
hul kleintjies te verdedig nie – teen enigiets – en
groot bere verdra geen nonsens van luiperds nie.
ek het selfs onlangs gelees dat veldwagters ’n
dooie leeuwyfie gekry het naby ’n groot vlakvarkbeer
wat sy gevang het. met een van sy tande
het hy haar pens oopgeskeur en so sy lewe ten
duurste verkoop. S
>>
Koos Barnard is ’n voltydse jagskrywer.
www.senwes.co.za • Augustus 2010