You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
МИЛАН ЖИВКОВИЌ<br />
директор на Фондацијата<br />
„Фридрих Еберт“– Скопје<br />
ЕДНАКВОСТА<br />
Е СЕКСИ<br />
Стравот мора да се победи<br />
преку дијалог, искреност и<br />
транспарентност<br />
Милан Живковиќ... Првпат го забележав на еден протест. Гласен поборник за работничките права и синдикалното организирање.<br />
Невозможно беше да не му се верува, оти жарта во очите ја издаваше неговата вистинска намера да помогне за праведно и<br />
солидарно општество. Потоа го сретнав на една јавна дебата. Полемизираше смело и достоинствено, без тенденциозни намери<br />
кон противниците, туку со волја да се слушнат и да се разберат. Малкумина така дискутираат денес. Потоа го гледав во разни<br />
ТВ-изјави, секогаш на страната на послабиот, секогаш другар со правдата и вистината. Последно го видов со микрофонот в<br />
рака на еден фестивал за истражувачко новинарство. Растури на англиски јазик со перфектниот американски акцент, својствен<br />
за човек кој 15-тина години живеел и работел во САД. Германскиот јазик, пак, му е потребен на неговото работно место во ФЕС<br />
(Friedrich-Ebert-Stiftung). Неговата успешност во јавната комуникација не се должи на самоуверениот став, ниту на појавноста од<br />
197 сантиметри, ниту, пак, се крие во сигурниот и длабок глас, туку во мекото срце со кое секојдневно ги води битките за човекови<br />
права, мир, демократија, еднаков пристап до образование, слобода... Овој маж одамна расчистил со лажната маскулинистичка<br />
маска на балканскиот маж (како Црногорец по потекло) :) и излегол од сенката на родовото слепило. Посветен татко и сопруг.<br />
Чесен работник и директор на канцеларијата во Скопје на Фондацијата„Фридрих Еберт“. Овој пат во улога на организатор на<br />
невообичаената модна ревија „Вклучи се со срце за секоја една“, во рамки на глобалната кампања „16 дена активизам против<br />
насилство врз жени и девојчиња“, што се случи на <strong>25</strong> ноември во „Кино Култура“.<br />
АЈ: Низ културен формат, со јазикот на модата и јазикот<br />
на телото или телесноста решивте да пратите силна<br />
порака за еманципација на жената и родовата еднаквост,<br />
спротивставувајќи се на третманот на жената како објект,<br />
токму низ сличните алатки. Направивте одлична субверзија.<br />
Мошне смело од ваша страна. Што беше идејата на модната<br />
ревија „Вклучи се со срце за секоја една“?<br />
МЖ: Идејата дојде од потребата сите ние да се<br />
спротивставиме на објективизацијата на жената (како објект)<br />
– а самите тие, жените-хероини од различни професии, кои<br />
се појавија во улога на манекенки, да се претстават себеси<br />
заедно со пораките и мерките за намалување на родовобазираното<br />
семејно насилство и искоренување на родовата<br />
нееднаквост во сите сфери на нашето општество. Токму<br />
субверзивноста на настанот и дефилирањето на модната<br />
писта во „Кино Култура“ направи дел од учесничките да<br />
се чувствуваат и како (активни) феминистки – тоа се нивни<br />
зборови (се смее). Голем дел од нив првпат се почувствуваа<br />
дека дале поголем придонес во борбата за еднаквост.<br />
Нивните пораки беа најважни.<br />
АЈ: На нималку „вообичаената“ модна ревија продефилираа<br />
15-тина жени или, како што ги нарековте „жени-хероини<br />
кои го прават пресекот на нашето општество“, носејќи<br />
креации на ALSHAR од дизајнерката Силвија Михајловска.<br />
Може ли да споменеме дел од храбрите учеснички и да<br />
споделиме дел од пораките што ѝ ги пративте на јавноста?<br />
МЖ: Мерсиха Смаиловиќ беше дел од настанот, како и<br />
Љуљета Адеми, Билјана Димова, Несиме Салиоска, Билјана<br />
Трембелиева-Стојменовски, Ана Зафирова, Нита Старова –<br />
тоа се само мал дел од жените-хероини. И додека и вие, Ана,<br />
и целата јавност ги знаат и Мерсиха и Љуљета и Ана, едната<br />
Билјана работи во агенција за недвижности (и е во осмиот<br />
месец на бременоста), другата Билјана е стоматолог, Несиме<br />
е извршна директорка на организација од граѓанскиот<br />
сектор, а Нита, освен што е една од моите колешки во ФЕС,<br />
зачекори на модната писта три месеци по породувањето со<br />
нејзиното второ дете – а во суштината, сите тие се хероините<br />
од нашето секојдневие. Пораките што учесничките ги<br />
пратија во јавноста се: менување на училишните курикулуми<br />
во насока на родова еднаквост, повеќе прифатни<br />
центри за жените-жртви на родово базирано насилство,<br />
воспоставување на постојана национална СОС-линија за<br />
жртви на сексуално насилство, „демнењето“ да се третира<br />
како кривично дело, посебни мерки за заштита на децата<br />
кои сведочат за насилство врз нивните мајки итн. Ова се<br />
само дел од барањата што беа пратени на модната ревија<br />
„Вклучи се со срце за секоја една“.<br />
АЈ: Во прекрасниот обид за мулти-култи и за диверзитет, на<br />
модната писта имавте и жена со шамија како муслимански<br />
верски симбол. Во тој контекст ќе ве потсетам дека Иран<br />
114