Create successful ePaper yourself
Turn your PDF publications into a flip-book with our unique Google optimized e-Paper software.
Немам<br />
што да<br />
облечам!<br />
(Кратка хорор приказна)<br />
Секој ден во последниве месеци имам мини нервен слом,<br />
и секој ден е истата сцена. Јас во гаќи, зјапам во отворен<br />
плакар за алишта, со насолзени очи заклучувам дека не сум<br />
нормална. Сѐ тоа ќе беше сцена од сладок тинејџерски филм,<br />
да не ме чекаа три деца наоблечени во јакни, нервозни, со<br />
голема доза на меѓусебна агресија. Или цела редакција полна<br />
со луѓе, пред кои не смеам десетти пат по ред да задоцнам.<br />
Или настан организиран од клиент, пред кој не смеам да се<br />
посрамам, зашто веќе сум го пропуштила последниот нивен<br />
настан, зашто сум „немала“ што да облечам. Вака веќе не се<br />
живее! Заклучувам дека морам нешто да сменам веднаш и<br />
почнувам да барам решение за мојот проблем. Го отворам<br />
преполниот плакар, и веднаш се забележува дека 90%<br />
од облеката ми е црна, веројатно од митот дека послабо<br />
изгледам во црна боја. Со години носам црно, не помагаа ни<br />
молбите на моите родители, да престанам, зошто нивните<br />
комшии ги прашувале дали сум во жалост и носам црнина.<br />
Разгледувам, тренерки за трудници со ластик, маици со<br />
натпис „Loading….“ исто труднички, некои кошули број М, од<br />
пред сто години, некои преубави, трендовски парчиња исто<br />
број М што имаат функција да ме поттикнат да ослабам,<br />
работи купени на попуст што не ми се свиѓале ама биле<br />
многу евтини. Па јас немам ништо употребливо, стварно<br />
не сум нормална заклучувам, затоа сум дојдена до ова дно.<br />
Пола од облеката ми е како да изгледам како Кејт Мос, а<br />
другата половина како да сум некое митско суштество вечно<br />
трудно. Два дена ги селектирав и ги раздадов алиштата што<br />
не ми се употребливи колку и да ми беше тоа тешко. Решив<br />
дека плански ќе купам нови и ќе бидам секогаш и секаде<br />
средена. Тогаш се соочив со една непријатна реалност, јас<br />
не знам кој е мој стил на облекување, толку години правам<br />
компромиси и импровизации што веќе не памтам што сакам<br />
да носам. Морам да почнам од некаде, заклучувам и сфаќам<br />
дека фактот што сум уредник на супер кул магазин како<br />
„Портрет“ ми прави дополнителен притисок. Па да јас сум<br />
бизнис жена, ќе се облекувам деловно. Тоа е тоа, блиску сум<br />
до 40-тата, имам состаноци, логично е да се облекувам така.<br />
Купив неколку „бизнис“ парчиња, направив комбинации со<br />
облеката што ја имам дома и неколку дена самоуверено се<br />
шетав во тој „mood“. Одвај одев со штиклите, се чувствував<br />
како да си играм возрасна тетка ама не се откажував. И<br />
на добар пат бев сѐ додека не сретнав еден познаник од<br />
средно и ладно ми кажа, колку сум остарена. Којзнае<br />
каква фаца сум направила кога почна да ме теши, јас те<br />
знам од времето кога беше одбојкарка, цело време беше<br />
во тренерки. И тогаш ми светна. Па зошто јас да немам<br />
спортски стил, сега кога живеам во време на Дуи Липи, и сите<br />
светски ѕвезди секаде носат тренерки. Утредента бев во нов<br />
„mood“, сѐ спортско, тренерки, патики, ранци. Секако секој<br />
ден вежбам, природно е вака да се облекувам си се тешев,<br />
додека одев на состаноци и клиентите ми се извинуваа дека<br />
ми закажале состанок на слободен ден. И тоа го игнорирав,<br />
но еден ден се вратив дома и мојот најстар син загрижено<br />
ме праша дали сега сум раперка. Оф сега веќе бев целосно<br />
изгубена, и навистина не знаев веќе како да се облекувам.<br />
Тогаш доживеав вистинско емотивно просветление. Една<br />
обична вечер, додека по долен дел пижами, дуксер, чорапи<br />
и влечки седевме кај мојата најдобра другарка В. ни се јави<br />
нашата трета најдобра другарка што цела година беше во<br />
САД, и тоа од диско во Скопје. Мора да дојдете вриштеше,<br />
сакав да ве изненадам, мора одма да дојдете. Да се враќам<br />
дома немав никакви шанси, В. носи конфекциски број 38, јас<br />
42, и требаше или да одам така облечена или да позајмувам<br />
облека од маж ѝ. Внимателно се разгледував, долните<br />
пижами ми беа црни, што не беше лошо за почеток, зашто<br />
можев да носам и бели со облачиња, дуксот сив, одличен, а<br />
целиот стајлинг скроз ми беше Ким К. кога шета низ Л.А како<br />
Дромка, со тренерки и гламурозни горни парчиња. Од В.<br />
земав само едни огромни обетки и штикли, и се нашминкав.<br />
Презадоволна бев! Тоа беше една од најубавите вечери во<br />
мојот живот, не памтам од кога толку се немав забавувано<br />
и смеено. И утредента додека мамурна го пиев утринското<br />
кафе, и гледав дека под елегантните туѓи чизми на штикла,<br />
сум носела гипс, бели спортски чорапи сфатив дека стилот<br />
секоја од нас го носи во срцето. Го носи во грижата за<br />
своите блиски, во убавиот топол збор за непознатите<br />
луѓе што секојдневно ги сретнува, во желбата после секој<br />
пораз да продолжи со позитивна мисла и чиста душа. Еден<br />
мој другар неодамна ми кажа дека секој од нас изгледа<br />
како што се чувствува внатре. Се смешкав задоволна од<br />
изминатата вечер, и си мислев дека време е за литература за<br />
себе-помош, или добар психотерапевт за да изгледам како<br />
Кејт Мос. Или само цврста волја и многу вечери како оваа<br />
последнава со луѓе што вистински ги сакам.<br />
Ружица Антиќ<br />
*Текстот не е лекториран со цел да се задржи автентичноста