You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
АЈ: Феминизмот не е жени со мустаќи кои не можат<br />
да си најдат љубовник, туку политичка идеологија за<br />
рамноправен свет. Позната е онаа феминистичка изрека:<br />
„Жена не се раѓа, жена се станува“. Сте се нашле ли некогаш<br />
во ситуација да се правдате за своите феминистички<br />
позиции?<br />
БН: Честопати сум предизвикана затоа што јавно<br />
се декларирам како феминистка, но никогаш не се<br />
правдам, туку, напротив, се гордеам. Ги потсетувам оние<br />
„тврдокорните“ дека феминизмот е борба за еднаквост<br />
на родовите во политичка, економска и социјална сфера<br />
и толку! Тука не гледам некоја посебна филозофија.<br />
Феминист(к)ите се борци за човекови права, а женските<br />
права се човекови права. Мојот совет е дека феминистките<br />
никако не смеат да ги остават своите метли зад вратата<br />
(се смее). Мораме да останеме будни, бидејќи сведочиме<br />
дека и во поновата историја, во услови на зајакнување на<br />
конзервативизмот, женските права се први на удар.<br />
АЈ: Конзервативната, патријархална општествена решетка<br />
им прави притисок и на самите мажи. Од мажите се очекува<br />
да бидат крути во изразувањето на своите емоции и<br />
слабости, оправдано е ако манифестираат промискуитетно<br />
однесување, пожелно е да бидат Казанова и да ја имаат<br />
контролата и моќта во свои раце. Како контрапункт на<br />
ова, од жените се очекува да бидат трпеливи, пасивни и<br />
субмисивни – барбики во розова боја. Дали на своја кожа<br />
сте почувствувале родова дискриминација, шовинизам или,<br />
пак, мизогинија?<br />
БН: Не познавам девојка или жена која не почувствувала<br />
дискриминација, шовинизам и женомрзие. Од мали нозе<br />
се поставуваат правилата на игра. Секој што ќе излезе од<br />
шаблонот ризикува да биде морално осуден од околината.<br />
Едноставно, не смеете да бидете различен. Имам можност<br />
да ја набљудувам ќерка ми, која има 12 години, и често<br />
сум во шок кога ќе констатира дека за неа како девојче не<br />
е пристојно да игра фудбал. Се прашувам, кој ја научил?<br />
Сигурно тоа не сум била јас. Дискриминацијата ја сведочиме<br />
постојано, во однос на вработувањата и пристапот на<br />
пазарот на трудот, начинот на којшто врз жената се гледа<br />
во моментот кога ќе влезе во политиката, пристапот до<br />
слободен абортус, кој e ограничен, и низа други случаи. Јас<br />
сум убедена дека она што ѝ се случува на македонската жена<br />
во јавната сфера ѝ се случува и дома, а тоа е – комплетна<br />
традиционална улога на мајка, пред сѐ, па сопруга, а потоа<br />
сѐ друго. Постои една добро позната максима: „Погледни<br />
го начинот на кој општеството ја третира жената и веднаш<br />
ќе знаеш за какво општество се работи“. Инаку, јас лично<br />
имам доживеано сексуално вознемирување на работно<br />
место на почетокот на мојата кариера, но се сеќавам дека<br />
ми беше дури срам да прозборам, а камоли да иницирам<br />
некаква постапка за разрешување на таа ситуација. Поради<br />
општествено наметнатите стереотипи, дури и самата почнав<br />
да се сомневам дека можеби јас сум го предизвикала таквото<br />
вознемирување. Но, насилниците треба да знаат дека нема<br />
да бидат толерирани.<br />
АЈ: Дали се чувствувате „прееманципирана“? Овој термин<br />
е пример како една радио кампања може да ги зацврсти<br />
родовите стереотипи во општеството. Хуморот е добар кога<br />
е деконструкција, но во случајов се работеше за неумесна<br />
кампања низ етерот во Скопје. Што е опасноста од ваквите<br />
медиумски пораки?<br />
БН: Не, не се чувствувам прееманципирана. (се смее) Се<br />
чувствувам еднаква со мажите и имам право на еднакви<br />
можности и тука не правам компромис! Голем број жени<br />
од Македонија се приклучија на виралната кампања<br />
#ијассумпрееманципиранакучка. Солидарноста што ја<br />
покажаа овие жени беше фантастичнa. Медиумите често<br />
знаат дополнително да го зајакнат постоењето на „мачокултурата“<br />
во едно општество. Треба да бидеме свесни дека<br />
комерцијалните реклами во кои жената е портретирана како<br />
субмисивен субјект во машко-женските односи, но и во оние<br />
со целосна сексуализација на жената, се штетни, особено за<br />
младата популација. Еден од најфлагрантните примери за<br />
родовото слепило на медиумите е начинот на известување<br />
за фемициди или убиствата на жени од нивните интимни<br />
партнери. Во речиси сите случаи постои романтизирање на<br />
убиствата од страна на медиумите. На пример – „убиство од<br />
страст“, „љубовна драма“, „македонските Ромео и Јулија“<br />
итн. Кај насилството врз жена нема ништо романтично и<br />
чинот на убиство е само крајниот резултат на нејзиното<br />
страдање. Според Националната мрежа против насилство<br />
врз жени и семејно насилство во периодот од 2013 до<br />
2016 година во Македонија се регистрирани 15 фемициди,<br />
односно намерни убиства на жени само затоа што се жени.<br />
Крајно време е македонските медиуми да застанат на<br />
страната на жените, впрочем, „Пирели“ и „Плејбој“ веќе се<br />
историја во современиот свет.<br />
АЈ: Самохрана мајка сте, па борбата за баланс меѓу<br />
кариерата и родителството сигурно ви е интензивна. Што сè<br />
се крши врз грбот на една мајка која сака да биде успешна<br />
и професионално реализирана жена?<br />
БН: Ќе кажам само дека беше тешко, но, во исто време,<br />
и едно исклучително патување за мене како женафеминистка.<br />
Непосредно по разводот се чудев како ќе<br />
изградам „вистинско семејство“ според рецептите на баба<br />
ми, мајка ми, општеството и слично. Целиот живот како<br />
девојче и жена на Балканот ве „учат“ дека семејството е<br />
составено од маж, жена и деца. Во тој момент, бевме само<br />
јас и Ева. Всушност, оваа состојба беше моето и нејзиното<br />
најголемо ослободување.<br />
АЈ: Сè додека има избор, има слобода! Но, честопати<br />
се прашувам колку ли жени низ историјата мечтаеле за<br />
професија и кариера, додека со едната рака мешале<br />
запршка над шпоретот, а со крајот од окото ѕиркале<br />
низ прозорецот кон своите соништа. Традиционалнопатријархалниот<br />
матрикс не е воопшто наивен и не се<br />
репродуцира само низ машкиот шовинизам, ами и низ<br />
генерации на мајки, баби и свекрви кои ги наметнуваат и ги<br />
оправдуваат нормите за „женска работа“. Коментар?<br />
БН: Најголемата колепка на патријархатот е жената. И во<br />
мојата приказна патријархатот спиеше во прегратките на<br />
баба ми, тетките, мајка ми. Но, тоа воопшто не изненадува,<br />
бидејќи, како што реков и погоре, вие едноставно се наоѓате<br />
во машки свет и морате да играте по машки правила,<br />
85