You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Од што настанува загадувањето кај нас?<br />
Загадувачи можат да бидат различни гасови, опасни<br />
ситни честички, хемикалии, испарувања и слично, што<br />
според факторот заслужен за нив се делат на антропогени<br />
(предизвикани од човечки фактор) и природни извори на<br />
загадување. Загадувачите од првата категорија се најголеми<br />
и се поврзуваат со согорување на различни видови горива.<br />
Тука спаѓаат најголемите извори на загадување како<br />
индустриското производство (загадување преку оџаците на<br />
електричните централи, фабриките, согорувачите на отпад,<br />
печките и другите уреди што согоруваат гориво), потоа т.н.<br />
мобилни загадувачи преку издувните гасови на моторните<br />
возила, депониите на отпад што создаваат токсични<br />
испарувања и нивно палење, почвите, затоплувањето на<br />
домот со масла, гуми, пластика или отпад и сл.<br />
Како да знаеме дали воздухот е загаден<br />
денеска?<br />
Во многу од деновите кога воздушното загадување е<br />
високо, тоа лесно може да се види само со фрлање<br />
поглед од прозорецот. Сепак, квалитетот на воздухот<br />
постојано се мери и се изразува преку индекс за квалитет<br />
на воздухот што се заснова на средни часовни вредности<br />
на концентрациите на загадувачки супстанции. Индексот<br />
при мерењата ги зема предвид концентрациите на сулфур<br />
диоксид (SO₂), азот диоксид (NO₂), суспендирани честички<br />
(PM₁₀), фини честички (PM₂,₅), озон (O₃) и јаглерод моноксид<br />
(CO). Измерените концентрации се споредуваат со<br />
постојните упатства за квалитет на воздухот и, согласно<br />
резултатите, покажуваат за колкаво ниво на загадување<br />
станува збор: многу ниско, ниско, средно, високо и многу<br />
високо. За да се информираат, граѓаните честопати за оваа<br />
цел ги користат мерењата на интернет-страницата Квалитет<br />
на воздух на Република Македонија на Министерството за<br />
животна средина и животно планирање (air.moepp.gov.mk)<br />
или интернет-страницата и апликацијата „Мој воздух“ (mojvozduh.eu)<br />
изработена од програмерот Горјан Јовановски.<br />
Што кога загадувачките супстанции се во<br />
црвена зона?<br />
Во периоди од годината кога загадувањето е алармантно,<br />
концентрацијата на загадувачките супстанции во воздухот<br />
е на многу високо ниво, што се одразува особено штетно<br />
врз нашето здравје. Повеќето од овие супстанции<br />
предизвикуваат и/или ги влошуваат белодробните и<br />
кардиоваскуларните заболувања, причинуваат главоболки,<br />
замор, имаат канцерогено дејство и се одговорни за<br />
прерана смртност. Од нив, најголем ризик по здравјето<br />
имаат суспендираните честички (PM₁₀), а на кои е изложено<br />
населението во повеќето урбани и рурални области<br />
во развиените земји, како и во земјите во развој. И<br />
краткотрајното, а секако и долготрајното изложување на<br />
овие честички може да влијае врз здравјето. Здравствените<br />
ефекти се јавуваат по вдишување на честичките, а зависно<br />
од нивната големина тие можат да навлезат во белите<br />
дробови и крвотокот и да предизвикаат несакани ефекти<br />
врз респираторниот, кардиоваскуларниот, имунолошкиот и<br />
нервниот систем. Морталитетот предизвикан од ефектите<br />
на овие честички покажува зголемена стапка на смртност<br />
за 15 до 20% во градовите со високо загадување споредено<br />
со почистите градови. Дури и во рамките на Европската<br />
унија, просечниот животен век е за 8,6 месеци понизок како<br />
резултат на изложеноста на PM-честичките.<br />
Што велат статистиките?<br />
Не сте единствени ако ве револтираат насловите на<br />
интернет што се обидуваат да ве намамат да ги кликнете<br />
со она „шокантно“, „нема да ви се верува“ и ним слични,<br />
но навистина, кој било наслов да го изберете од вестите за<br />
загадувањето, без проблем ќе одговара на овие описи од<br />
погоре. За жал, иако за неверување, статистичките податоци<br />
ја претставуваат реалната опасност од загадувањето,<br />
па така: според извештајот на Светската банка според<br />
степенот на загадување Македонија беше на прво место на<br />
листата европски држави; на аерозагадувањето отпаѓаат 20<br />
до <strong>25</strong>% од вкупните причини за морталитет во државата што<br />
на годишно ниво изнесува 1.500 смртни случаи, односно<br />
четири случаи на дневно ниво. Понатаму, статистиките<br />
покажуваат дека во една грејна сезона само во Скопје се<br />
согоруваат околу 317.000 тони дрво, што е приближно колку<br />
количеството дрва што би се добило кога би се исекле сите<br />
дрва на Водно.<br />
Какви мерки се преземени досега?<br />
Повеќето мерки нудат само привремени решенија<br />
за проблемот. Лани во два од најзагадените денови<br />
автобускиот превоз беше бесплатен за сите граѓани, а<br />
слична мерка се воведе и годинава со бесплатен автобуски<br />
превоз за посетителите на Водно за време на викендите и<br />
во празничните денови. Беа спроведени и неколку прскања<br />
на улиците со калциум магнезиум ацетат, биоразградлива<br />
хемиска супстанција што има улога за привлекување на<br />
штетните PM₁₀ и PM₂,₅ честички. Планирани се построги мерки<br />
за т.н. големи загадувачи кои сѐ уште немаат поставено<br />
филтри на оџаците, имаше најави за пар-непар мерката во<br />
сообраќајот што како мерка за аерозагадувањето ја имаат<br />
многу од европските и светските градови, но засега не е<br />
реализирана кај нас. Доказ дека граѓаните навистина се<br />
грижат за своето здравје и покажуваат бескомпромисност<br />
при справувањето со проблемот со загадувањето се сѐ<br />
повеќето граѓански иницијативи кои го креваат гласот во<br />
текот на целата година, а уште погласно штом ќе се појават<br />
првите знаци на загадувањето. Па, досега бевме сведоци<br />
на многубројни протести, петиции, настани за кревање на<br />
свеста, барање решенија и нудење предлози за подобрување<br />
на ситуацијата. Сепак, се чини дека поголеми, суштински<br />
промени и решенија ќе забележиме кога ќе почнат<br />
посериозно да се разгледуваат причинителите, а не само<br />
последиците од загадувањето, што ќе доведе до носење<br />
на нови посериозни мерки за подобрување и решавање на<br />
проблемот на колективно и на индивидуално ниво.