Create successful ePaper yourself
Turn your PDF publications into a flip-book with our unique Google optimized e-Paper software.
Инспирација<br />
да ми расте. Но повторно само еден помал стрес беше доволен за веднаш да падне. Јас сум<br />
помирена дека немам коса, но можеби некогаш ќе имам, фоликулите се живи, имаат сè што<br />
им треба на влакната за да пораснат и буквално само пред да излезат на површината нешто<br />
ги спречува, организмот како да ги сече. Со оглед на тоа дека немам влакна никаде, ниту<br />
трепки, ниту веѓи, кожата ми е многу чувствителна, како и очите и носот, ми пречат сонце,<br />
прашина... Често знаат да ми направат проблем и синусите, па летно време кога сум под<br />
клима, на пример, на работа, седам со капа или со шал. Со лекувањето престанав на 16-17<br />
години, си реков дека веќе нема да продолжам со третманите бидејќи беа доста агресивни,<br />
имав рани и не можев да спијам убаво. Тогаш вистински влегов во светот на периките кои,<br />
искрено, се како мобилниве телефони денес. Имаш добар телефон, но знаеш дека има и<br />
подобри. Прво почнав со наједноставните и навлегов толку многу, во однос на тоа како да<br />
се наместат, од какво влакно се подобри, како да се скројат по обликот на главата, дури<br />
и како да се нарача коса и како да се сошие перика. Но тој процес на местење и носење е<br />
многу напорен.<br />
Дали сте се нашле во ситуација, поради губењето на косата, да не можете да остварите<br />
некоја зацртана цел, дали Ве спречило тоа во остварување на желбите и плановите?<br />
Во основно училиште многу сакав да одам на одбојка, но поради периката, бидејќи тогаш<br />
не знаев многу како да ја наместам, ми беше ново и ми пречеше, морав да се откажам од<br />
одбојката, а и од пливање. Подоцна пак се запишав на одбојка на 17 години, но тогаш веќе<br />
знаев како да ја врзувам периката и да ја наместам. Сепак, повторно беше тешко бидејќи<br />
цело време е како да носиш волнена капа, телесната температура се зголемува, потта не е<br />
природна, тешко е да се издржи.<br />
Велите дека ослободување сте нашле во алпинизмот, кој на некој начин и Ви помогнал да<br />
се откриете каква што сте. Каков совет би ѝ дале на некоја млада личност што се соочува<br />
со истите дилеми и проблеми како Вас?<br />
Алпинизмот ме направи слободна и храбра и уште по првиот тренинг почнав да одам секој<br />
ден. Во истиот момент кога се качуваш на карпа имаш, но и немаш време да се преиспиташ<br />
психички за тоа што го сакаш и тоа што не го сакаш. Околу тоа што те вознемирува, на карпа<br />
учиш (вежбаш) како одлуките и мислите да доаѓаат смирено, како еден вид медитација,<br />
мир... Бидејќи си доста изолиран кога си на карпа, иако со партнер, сепак си сам и сам<br />
одлучуваш за ситуацијата и ги преземаш мерките. Дефинитивно откако ја тргнав периката,<br />
похрабра сум, поотворена и повеќе се сакам себеси. Многу е полесно кога се претставуваш<br />
во вистинско светло, не се криеш зад нешто. Помалку му судам на кого било, на некој што е<br />
поразличен од „нормалното“ за нашето општество, зашто никогаш не знаеш што точно му<br />
се случува. За тоа би им дала и совет на тие што се соочуваат со истиот проблем и сакаат<br />
да ја тргнат периката, прво да се погледнат себеси во огледало без перика, да се научат да<br />
се гледаат така, зашто обично не си навикнат на тој одраз во огледало. Да станат удобни<br />
со тоа дека немаат коса, да го прифатат тоа и потоа пред некој најблизок пријател, на<br />
пример, или на место кај што се чувствуваат послободни и посигурни, да пробаат да ја<br />
извадат периката, ако тоа навистина го сакаат. На пример, јас во Белград првпат почнав да<br />
се шетам без перика зашто таму дефинитивно е помала осудата. Почетокот на откривањето<br />
е тежок, но со бебешки чекори, прво пред себе, па пред најблиските, па потоа кругот се<br />
шири и доаѓа моментот на конечно прифаќање.<br />
24<br />
Помалку му судам на кого било, на некој што е поразличен од „нормалното“ за нашето<br />
општество, зашто никогаш не знаеш што точно му се случува. За тоа би им дала и совет на<br />
тие што се соочуваат со истиот проблем и сакаат да ја тргнат периката, прво да се погледнат<br />
себеси во огледало без перика, да научат да се гледаат така, зашто обично не си навикнат на<br />
тој одраз во огледало.