Create successful ePaper yourself
Turn your PDF publications into a flip-book with our unique Google optimized e-Paper software.
ТРИЕСЕТКА ЗА „ОСКАР“<br />
ПОРТРЕТ НА ЉУБОВТА МЕЃУ РИТА ВИЛСОН И ТОМ ХЕНКС<br />
Пишува: Џејлан Рустемоска<br />
Oд досегашните љубовни портрети што се најдоа на<br />
страниците во изминатите броеви можевме да заклучиме<br />
дека е по малку клише тезата дека холивудските двојки<br />
се осудени на краток век, а од тие долговечните, ќе се согласите<br />
дека Рита Вилсон и Том Хенкс се меѓу најсимпатичните. Тие<br />
годинава прославија три децении брак, љубов, меѓусебна<br />
поддршка, родителство и добар хумор, а нивните романтични<br />
слатки изјави низ годините ни дозволуваат да ги собереме<br />
парчињата од љубовната приказна и да ви ја донесеме во овој<br />
број.<br />
Ништо необично или особено оригинално во нивната прва<br />
средба. Се среќаваат во раните осумдесетти на сетот за<br />
комичната серија „Bosom buddies“. Том Хенкс е дел од<br />
постојаниот состав, а Рита се појавува само во една епизода,<br />
доволно за да го заскокотка неговото одамна ветено срце на<br />
неговата тогашна сопруга, средношколска љубов и мајка на<br />
неговите две деца, Саманта Луис. А можеби првичните симпатии<br />
ќе поминеле безопасно доколку судбината не ги споеше<br />
повторно, овој пат на сетот за филмот „Волонтери“ во кој играат<br />
рамо до рамо. Се наоѓаме во 1985 година, а Хенкс иако не ја<br />
негира хемијата кон својата партнерка пред камерите, вели<br />
дека неговиот прв брак во кој влетал прерано, станувајќи татко<br />
на 20 години и барајќи ја сигурноста на домот што никогаш<br />
ја немал како дете, бил веќе распаднат кога ја сретнал Рита.<br />
Свесен за веројатноста да ги осуди на истите емоции своите две<br />
деца Колин и Елизабет, тој го одолжувал официјалниот развод<br />
сѐ од премиерата на филмот „Три амигоси“, кога првпат се<br />
појавува во јавност со својата нова партнерка Рита, и двајцата<br />
носејќи ги истите насмевки што и денес се заштитен знак на<br />
оваа двојка. „Во нашата врска јас сум среќникот. Таа можеше<br />
и подобро“, вели Хенкс, но кој би се согласил?! Свадбените<br />
ѕвона ќе заѕвонат во април 88-мата. Кога зборува за почетокот<br />
на нивниот брачен живот, Том Хенкс вели дека пресудни биле<br />
тајмингот, зрелоста и желбата да се поврзат на подлабоко<br />
ниво. Доколку се сретнеле порано во животот, веројатно не би<br />
го издржале притисокот. Иако судбината замешала прсти да ги<br />
спои, сѐ друго во изминатите 30 години не е магична случајност<br />
и слатка романтична комедија, туку свесна одлука во најтешките<br />
моменти да не заборават што ги држи заедно.<br />
Нивните кариери се развиваат паралелно со нивната брачна<br />
заедница. На почетокот на деведесеттите го добиваат првиот<br />
заеднички син Честер, а во 1993 г. повторно ќе заиграат<br />
заедно во една од најубавите романтични комедии на<br />
сите времиња, „Бессони во Сиетл“, овој пат како најдобри<br />
пријатели. Филмот се смета за отскочна штица во кариерата<br />
на Хенкс, носејќи му го статусот на „добро момче“ и миленик<br />
на публиката. Во средината на деведесеттите години Хенкс се<br />
закитува со два последователни „Оскари“ за најдобра главна<br />
машка улога во филмовите „Филаделфија“ и „Форест Гамп“, а<br />
и во двата победнички говори ѝ се заблагодарува на својата<br />
сопруга, покрај која го доживеа рајот на земјата и учи што е<br />
љубовта со секој изминат ден; без неа никогаш не би ја сфатил<br />
длабочината на ликот на Форест Гамп и неговата љубов за<br />
54