Create successful ePaper yourself
Turn your PDF publications into a flip-book with our unique Google optimized e-Paper software.
МАРГАРИТА ДЕРМАТИТ<br />
Медицинскиот термин за овој тип дерматит е фитофотодерматит, а се појавува<br />
како изгореница од сонце што едноставно не се повлекува. Оваа состојба се<br />
јавува особено во летните месеци кога кожата е изложена на ултравиолетово<br />
зрачење додека исто така организмот е во контакт со фотосензитивни состојки<br />
што во комбинација ја предизвикуваат оваа воспалителна кожна реакција. А<br />
токму лимонската киселина од омилениот летен пијалак е фотосензитивна<br />
состојка. Како превенција треба да се нанесе малку повеќе крем за сончање и<br />
да се мијат рацете темелно по цедење лимон или други цитрусни овошја. Иако<br />
може да се јави хиперпигментација по губењето на ова воспаление, сепак,<br />
не треба да загрижува бидејќи со тек на време бојата на кожата се враќа во<br />
нормала.<br />
КЕРАТОЗА ПИЛАРИС<br />
Иако можеби името не е толку познато, многумина се запознаени со изгледот и<br />
чувството на таканаречената „пилешка кожа“ што може да се појави на задниот<br />
дел на надлактницата и на бутовите. Тоа се појавува кога протеинот кератин<br />
се собира околу фоликулите на влакната на телото, а особено чувствителни се<br />
рацете и нозете. Не се знае точната причина зошто се појавува, но голема улога<br />
има генетиката, а во лето дополнително се потенцира и воспалува од потење<br />
и иритација. Производите за ексфолијација и тие што содржат ретинол може<br />
да го забрзаат процесот на обнова на клетките и кожата да изгледа помазно<br />
додека се користат производите.<br />
ПРОБЛЕМИ СО ХЛОРОТ<br />
Како резултат на капењето во базен, кое во лето може да биде неизбежно,<br />
со текот на времето хлорот придонесува за посува кожа бидејќи го измива<br />
слојот од кожата што всушност ја задржува влажноста. Решение на овој<br />
проблем е брза реакција по излегувањето од базен, како туширање, за да се<br />
измијат хемикалиите и потоа да се нанесе хидратантен крем. Доколку кожата<br />
е чувствителна, а базенот е со високо количество на хлор, постојат и посебни<br />
лосиони и гелови за туширање што се наменети да го неутрализираат хлорот и<br />
да ѝ ја дадат потребната влажност на кожата.<br />
ПОТКОЖНИ ВЛАКНА<br />
Иако се појавуваат преку целата година кај тие што практикуваат бричење,<br />
летната сезона ги прави уште поочигледни и поиритирани. Поткожните влакна<br />
се резултат на тоа што кога излегуваат од фоликулата, наместо на површина<br />
на кожата, се враќаат назад под неа, растат така и притоа се воспалуваат.<br />
Постојана ексфолијација е задолжителна за да се спречат мртвите клетки да ги<br />
заробуваат влакната во фоликулите. При бричење е важно да се користи чист<br />
брич и гел или крем за бричење, влакната да се бричат во насока на растењето<br />
и по бричењето да се нанесе хидрокортизон. Некои се особено склони кон<br />
поткожни влакна, на пример, тие со виткана коса, па затоа наместо бричење, се<br />
препорачува депилација или ласерско отстранување како потрајно решение.<br />
ПОТЕЊЕ ПОД ГРАДИТЕ<br />
Поради потните жлезди присутни на градите, честа е појавата во лето и градите<br />
да се потат, а потта плус целодневното носење градник е комбинација и за<br />
развој на габични инфекции. Добар совет за потење под градите е нанесување<br />
пудра наменета за тоа, што е мешавина од глината каолин и пченкарен скроб, за<br />
делот под градите да биде сув. Доколку веќе се појавило црвенило и испукана<br />
кожа, тогаш за да се спречи дополнителна иритација, треба да се нанесе крем<br />
против габична инфекција.<br />
АКНИ ПО ТЕЛОТО<br />
Бидејќи најмногу кожа се покажува во лето, исто како и на лицето, и на телото<br />
поради комбинацијата од пот и производите што се нанесуваат за сончање,<br />
порите се блокираат и се појавуваат акни. Најчесто најчувствителни места<br />
се градите, грбот и задникот, но колку и да е разочарувачки, вообичаените<br />
кремови и лосиони против акни помагаат речиси секогаш.