Create successful ePaper yourself
Turn your PDF publications into a flip-book with our unique Google optimized e-Paper software.
Инспирација<br />
клишеа што сме ги слушале за начинот на работа и животот<br />
во странство, овде имаме една предност. А тоа е дека многу<br />
полесно можеш да испливаш на површина, да се издвоиш од<br />
толпата, се разбира, единствено ако навистина поседуваш<br />
квалитети. Работата е што ние, луѓето што не сме помагани<br />
од никого во работата гледаме на тоа како по дифолт, не на<br />
пример дали некој некому му е татко или чичко, едноставно<br />
не ни е матрицата така фигурирана. Потешко е кога е<br />
навистина голем пазар, кога никому не му значи ништо друго<br />
во врска со тебе освен твојата стручност и подготвеност. Па<br />
така и за нашава средина, едноставно како и за сè друго во<br />
животот, си правиш анализа на тоа што е предност, а што<br />
недостаток, и работиш да ги редуцираш недостатоците и<br />
да ги истакнеш предностите. Исто така, имам среќа што се<br />
борам и работам на пазар кај што не важи субвенција или<br />
држава, туку поддршка од корпорации од приватни ентитети.<br />
Актер, спортски новинар, коментатор, телевизиски водител,<br />
стендап-комичар, креативен маркетинг-директор, не знам<br />
дали успеав сè да набројам. Очигледно е дека сите овие<br />
работи ги работите со голем талент и креативност, но<br />
можете ли да издвоите една од нив што сте ја работеле со<br />
најсилна страст и посветеност?<br />
Искрено, најголема љубов ми е музиката, болен сум по гитара<br />
и многу време поминувам со неа. Не само за работата, јас<br />
во принцип имам многу такви периоди на преминување од<br />
еден интерес на друг, на пример, во моментов интересна ми<br />
е теоријата дека античките градби во Египет се 5.000 години<br />
постари од тоа што се мисли во официјалната историја и<br />
сега сум фиксиран на тоа. Следниве два-три месеци ќе бидам<br />
опседнат сè да прочитам и да истражувам околу тоа и ќе го<br />
терам до максимум. Но таквите луѓе што можат да се исклучат<br />
речиси од сè и да се фокусираат максимално на една работа<br />
обично ја плаќаат цената за тоа. Еве, на пример, јас немам<br />
социјален живот, а и веќе ме плаши моментот на анализирање<br />
на луѓе, пријатели, а и на моменти се чувствувам сам во својот<br />
мини-круг. Од човек што имал многу познајници, пријатели и<br />
друштва, одеднаш се сменив и размислувам зошто се сменив,<br />
кој ме натера да се сменам и дали е тоа воопшто добро. На<br />
крајот од денот не ми останува ништо друго освен да си се<br />
оправдам себеси за тоа однесување и размислување.<br />
Оваа година Ви почна прекрасно со веста дека сте ставени на<br />
листата на Forbes, 30 under 30, што значи дека сте оставиле<br />
силен печат на европската медиумска сцена. Имавте ли<br />
некоја интересна средба на доделувањето на наградите<br />
во Лондон, Ви остави ли некој од другите наградени силен<br />
впечаток?<br />
Немав такво искуство и токму тоа е добро, тоа ме мотивира.<br />
Всушност, сфаќаш дека не е важно тоа што си од Скопје,<br />
од Македонија, и воопшто не е важно што добар дел од нив<br />
не ни знаат нешто за земјата од каде што доаѓаш. Гледаш<br />
дека слободно можеш да се тркаш, дека државите не се<br />
важни, па ни капиталот, на пример. Не сме хендикепирани<br />
во ниеден момент и тоа е супер. Преку агенцијата почнав<br />
да се ориентирам и кон интернационалниот пазар, многу<br />
природно, спонтано, едноставно како резултат на целиот<br />
вложен труд. Кога се работи за голем пазар и брендови<br />
за какви што работиме сега, постојано има потреба да се<br />
докажуваш. Кога ќе се сетам дека денес работиме кампањи<br />
за брендови за кои пред една година некој да ми кажеше<br />
дека ќе работиме, немаше шанси да му поверувам, на пр.,<br />
„Полароид“, „Мекдоналдс“ и сл. Клучот е да не гледаш на<br />
себе како граѓанин на Македонија, туку како граѓанин на<br />
светот. Да сфатиш дека сите можности ти се еднакви, и да<br />
искористиш сè со што располагаш за да дојдеш до правото<br />
место, и кога ќе дојдеш, најпонизно на свет да ја доставиш<br />
правата понуда. Кај нас кога некој ќе постигне некое ниво<br />
на успех, постои некоја потреба за надменост и мислење<br />
дека заслужил работите да му доаѓаат сами по себе, но тоа<br />
ќе те доведе само во амбис. Може да имам милион причини<br />
да мислам дека сè сум заслужил и сум направил, можам да<br />
одам на карта - јас сум јавна личност, телевизиско лице, но<br />
знам дека тоа на глобално ниво не проаѓа, а мене тоа ми е<br />
најважно.<br />
Постојано се жалиме дека музиката, уметноста, ни стагнира,<br />
дека има недостиг на продукција и квалитетни изведувачи,<br />
но од друга страна речиси секој нов проект се дочекува на<br />
нож. Какво е Вашето размислување, како некој што долги<br />
години работи со јавните и естрадни личности?<br />
Во агенцијава ги подучувам луѓето да не очекуваат пофалби<br />
бидејќи ние не сме општество што фали, туку општество<br />
што куди. Во суштина, да бидат некој што дава најмногу од<br />
себе, а да не очекува повратен позитивен фидбек, туку ако<br />
го добијат, на тоа да гледаат како бонус. Тоа е навистина<br />
лоша работа, но не очекувам да се среди. Искрено, не ми<br />
е важно дали ти се допаѓам или не, важно ми е јас да сум<br />
задоволен со мојата работа. Се сеќавам на зборовите на<br />
Никола Младенов, со кој често излегував и имав можност да<br />
се дружам. Луѓето многу често сакаа да зборуваат со него<br />
за свои политички ставови и да споделуваат што очекуваат<br />
од државата, знаејќи го кој е. На тоа тој ги прашуваше дали<br />
знаат кога била основана Првата Француска Република или<br />
кога е напишан Уставот на САД. Поентата негова беше дека<br />
држава за 50 години не се прави, бидејќи промени не можеш<br />
да очекуваш во 50 години, но твое е да турнеш до каде<br />
што можеш да турнеш. И јас се водам по таа норма, не ни<br />
очекувам да се промениме, да се чуваме сами едни со други<br />
и да кажеме дека „Еден на еден“ е најдобра емисија бидејќи<br />
така кажуваат бројки. Но ние живееме во вакво општество<br />
и не треба да очекуваме ништо, а да даваме максимум, и да<br />
оставиме кој што сака да мисли.<br />
Велат дека секој успех е сладок само ако го споделуваш во<br />
круг на луѓе што те сакаат, поддржуваат и што се секогаш<br />
тука за тебе. Вие работите заедно со Вашиот постар брат,<br />
тешко ли е да се тргнат настрана семејните релации, во<br />
услови каде што се потребни професионалност и реалност?<br />
Ние сме меѓусебни корективи бидејќи јас сам или тој<br />
сам нема да можеме да го направиме сето ова. Не дека<br />
сме јин и јанг, до толку различни, имаме и многу точки во<br />
кои се допираме, во однос на комуникација со клиенти,<br />
размислување, однос со вработени и слично. Работата е што<br />
кога на едниот му прекипува и сака да направи нешто што<br />
не треба, другиот е тука да го спречи и да му каже „не“, дека<br />
треба да размисли. Едниот е локомотива, другиот вагон, но<br />
не секогаш е еднакво тоа, туку наизменично, и навистина сум<br />
29