Create successful ePaper yourself
Turn your PDF publications into a flip-book with our unique Google optimized e-Paper software.
Портрет на уредничката<br />
Водич за летните денови<br />
Мислам дека поради цената што ја плаќаме<br />
за својата зависност од социјалните мрежи,<br />
луѓето никогаш не биле почувствителни за сè<br />
што е поврзано со нивниот изглед. Ако некогаш<br />
светските топ-модели и актерки, кои имаа далеку<br />
поприфатлив и понормален изглед, беа закана<br />
за самодовербата на жените низ светот, сега<br />
имаме работа со армија експерти. Експерти<br />
за естетска хирургија, за мода и убавина, за<br />
„Фотошоп“. Сите тие со здружени сили постојано<br />
ни шепкаат низ фотографиите на преубавите<br />
жени од секој предел на светот, кои секојдневно<br />
ги гледаме на „Инстаграм“. Па така, ако некогаш<br />
за физичкиот изглед се коментираше најчесто<br />
дали некој има вишок килограми или не, денес<br />
предмет за несигурност се дури и трепките, ако<br />
не ги исполнуваат светските трендовски норми. И<br />
секогаш сите најголеми навреди што ги помниме<br />
од детството најчесто се поврзани со физичкиот<br />
изглед. Како поминуваат годините и растеш,<br />
веќе не те повредуваат толку забелешките од<br />
непознати луѓе за својот изглед. Но дали некогаш<br />
во караница некој помлад роднина во афект ви ги<br />
изнакажал сите навреди за вашиот изглед, кои се<br />
очигледни и кои најмногу ве болат. Истото е и со<br />
физичките недостатоци за кои немаме моќ да ги<br />
промениме, туку постојат и мислиш дека времето<br />
ти ги излекувало лузните, но единствената работа<br />
што може да ги излекува е нивното прифаќање.<br />
Не постои поголема храброст и доблест од онаа<br />
кога некој ќе најде сила да прифати нешто кај<br />
себеси и нема да дозволи никогаш повеќе да<br />
живее во агонијата и стегите што ги носел на грб<br />
додека се плашел.<br />
Во сите броеви на магазинот „Портрет“ насловните<br />
страници ги краселе жени што по многу нешта се<br />
издвојуваат од средината. Некогаш имало жени<br />
со кариери што инспирираат, некогаш имало<br />
жени со прогресивни ставови кои ни помогнале<br />
нам, на преостанатите. Но во овој број ја имаме<br />
прекрасната Инес Стефановска, која покрај тоа<br />
што ги има гореспоменатите квалитети потребни<br />
за насловна страница, има и нешто што навистина<br />
е несекојдневно и заслужува сите да знаат за<br />
што станува збор. А тоа е преголема храброст да<br />
биде своја, да ја слави својата убавина и да се<br />
ослободи од сите тешки моменти што ги имала<br />
во текот на своето растење. Да имаш алопеција<br />
и да ја изгубиш целата коса во пубертетот и<br />
секојдневно, покрај тоа што си здрава, да си<br />
предмет на потсмев и сожалување, е вистински<br />
пекол. Но нема ништо поубаво од чувството да<br />
знаеш дека во себе имаш квалитети не само<br />
за да го заборавиш тоа и да продолжиш со<br />
нормален живот каков што заслужуваш, туку и од<br />
тоа да излезеш како вистински победник, кој ќе<br />
инспирира многу други луѓе да прифатат некоја<br />
своја „болка“. „Имав тежок период во средно<br />
училиште кога ме напаѓаа постарите ученици и ми<br />
се закануваа дека ќе ми ја извадат периката. Тој<br />
период ми беше најмачно, паднав во депресија,<br />
имав анксиозни напади, па посетував и психолог<br />
и со негова помош и со помош на роднините<br />
и пријателите го пребродев и тоа. И самото<br />
тинејџерство е стресно, а ова беше сол на рана.<br />
Сепак, во тинејџерството откриваш кој си, што<br />
сакаш, а јас уште од почетокот се криев. Помалку<br />
му судам на кого било, на некој што е поразличен<br />
од „нормалното“ за нашето општество, зашто<br />
никогаш не знаеш што точно му се случува. За<br />
тоа би им дала и совет на тие што се соочуваат<br />
со истиот проблем и сакаат да ја тргнат периката,<br />
прво да се погледнат себеси во огледало без<br />
перика, да научат да се гледаат така, зашто<br />
обично не си навикнат на тој одраз во огледало.“<br />
Драга Инес, ти благодарам од срце што во<br />
секој од нас влеа храброст, да почнеме да се<br />
ослободуваме од сè што нè прави несигурни и<br />
несреќни со цел да станеме свои. Зашто секоја<br />
убавина е реална и видлива единствено во<br />
моментот кога ќе одлучиш да бидеш тоа што си.<br />
Ружица Антиќ<br />
7
Change language