You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Мисли здрави мисли<br />
ПРЕПОРАЧАНИ ПРОДУКТИ ЗА ПРЕВЕНЦИЈА И ЛЕКУВАЊЕ НА ГАСТРИТИСОТ<br />
Како што се вели, секогаш е подобро да се спречи отколку да се лекува, па оттаму промената во исхраната треба<br />
да подразбира внес на одредени продукти што можат да послужат како превенција, односно како помошно<br />
средство за справување со гастритисот. Обидете се секојдневно да внесувате:<br />
• Компир – во случај на гастритис соодветен е компирот подготвен на здрав начин (варен или печен со малку<br />
маслиново масло). Компирот содржи супстанции кои дејствуваат смирувачки, а има и антацидно дејство.<br />
• Овес – содржи муколитици што ја омекнуваат и штитат слузокожата на желудникот. Оброкот што содржи<br />
овес особено се препорачува кај заболени од гастритис доколку не се појави интолерантност или алергија<br />
на глутен.<br />
• Ориз – дејствува како атстрингенс, противвоспалително за желудникот и цревата, па поради тоа се<br />
препорачува кај оние што боледуваат од гастритис.<br />
• Тапиока – брашното тапиока е богато со муколитици што го опуштаат и штитат дигестивниот систем.<br />
Сварено со зеленчук има голема хранлива вредност.<br />
• Морков – содржи растителни влакна и провитамин А што го регулираат создавањето на желудочните<br />
сокови и ја намалуваат нивната киселост. Морковот воедно ги намалува и ги ублажува желудочните болки<br />
и помага кај гастритисот. Благотворни дејства има и доколку се јаде свеж, варен или, пак, доколку се пие<br />
како свежо исцеден сок.<br />
• Авокадо – го намалува и го ублажува воспалението на желудникот и ја штити неговата слузокожа. Исто така,<br />
авокадото го неутрализира вишокот на желудочна киселина.<br />
• Тиква – го неутрализира вишокот желудочна киселина и ја заштитува слузокожата на желудникот. Изберете<br />
пире од тиква како најдобра храна при гастритис.<br />
• Јаболка – содржат растворливи влакна, пектин и танин, што го смалуваат воспалението на желудникот, а со<br />
тоа и појавата на гастритис и/ли колитис.<br />
• Зелка – го спречува создавањето на вишок киселини во желудникот, а воедно и го смирува неговото<br />
воспаление.<br />
ПРОДУКТИ ШТО ТРЕБА ДА СЕ ИЗБЕГНУВААТ ПРИ ГАСТРИТИС<br />
Покрај препорачаните продукти, постои листа со производи што треба да се избегнуваат при проблеми со<br />
желудникот и гастритис. Некои од нив се:<br />
• Пиво – овој пијалак е особено штетен за слузокожата на желудникот бидејќи содржи алкохол и се пие<br />
ладно. При справување со гастритис се препорачува тотално елиминирање на пивото од исхраната, дури и<br />
во неговата безалкохолна варијанта.<br />
• Алкохолни пијалаци – покрај пивото, и другите алкохолни пијалаци треба да се избегнуваат, односно да се<br />
елиминираат комплетно. Алкохолот ја надразнува слузокожата на желудникот, ги зголемува желудочните<br />
сокови што го олеснуваат варењето, но истовремено доведува до воспаление на желудникот. Редовното<br />
консумирање алкохол предизвикува трајно оштетување на желудникот, познато како хроничен гастритис.<br />
• Стимулативни пијалаци – кафето, чајот и сите други пијалаци со кофеин се штетни при состојба на<br />
гастритис.<br />
• Кафе – уште еднаш ја потенцираме штетноста на кафето, не само поради кофеинот што го содржи, туку<br />
и поради супстанциите што му даваат специфична арома на кафето, а го зголемуваат производството на<br />
киселини во желудникот што го поттикнува гастритисот. Поради сето ова, и бескофеинското кафе е штетно<br />
за желудникот.<br />
• Газирани пијалаци – тие вообичаено содржат шеќери, хемиски адитиви и јаглероден диоксид (CO2) што го<br />
надразнуваат желудникот.<br />
• Лути зачини – докажано е дека лутите зачини го зголемуваат производството на желудочните сокови, но<br />
на штета на желудникот бидејќи доведуваат до воспаление на неговата слузокожа. Слично дејство има и<br />
аспиринот. Црниот и белиот бибер влијаат врз изумирањето на клетките на желудочната слузокожа што,<br />
пак, може да предизвика микрокрвавења во желудникот.<br />
• Школки – консумацијата на школки може да доведе до воспаление на желудникот поради големата<br />
количина на токсични материи што можат да ги содржат, како и поради тоа што се тешки за дигестирање.<br />
• Месо – содржи пурини, азотни супстанции што му го даваат типичниот вкус на месото. Овие супстанции<br />
придонесуваат за зголемување на желудочните сокови, а со тоа и за воспаленијата на желудникот.<br />
Консумирањето месо може да предизвика гастритис, како и да го отежни неговото лекување.<br />
• Шеќери – голема количина шеќери ја надразнува слузокожата на желудникот и поттикнува размножување<br />
на бактерии како што е Helicobacter pylori, која предизвикува гастритис и желудочни чиреви.<br />
• Сладолед – ладното чувство што го предизвикува сладоледот иницира вазоконстрикција и го смалува<br />
протокот на крв во желудникот, со што ја ослабнува самата слузокожа и ја прави чувствителна на воспаление.<br />
• Агруми – поради својата киселост, агрумите (лимони, портокали, цитрони и сл.) можат да наштетат при<br />
воспалување на слузокожата и да ја отежнат дигестијата на храната.<br />
67