Create successful ePaper yourself
Turn your PDF publications into a flip-book with our unique Google optimized e-Paper software.
Инспирација<br />
среќен што го имам. Поради тоа што татко ни почина кога<br />
јас имав 12, а тој 18 години, тој стана авторитетот за мене и<br />
секогаш почитувам што има да каже и како размислува, тоа нè<br />
има многу изградено како личности. Можеби не секогаш ќе<br />
го применам тоа што ќе го каже, но го почитувам и пробувам<br />
за негов атер да го сменам, па и да не го сменам, давам сè од<br />
себе, знам дека сум се обидел.<br />
Многу примери од животот на светските комичари ни<br />
покажуваат дека голем дел од нив биле депресивни и тажни<br />
луѓе. Какво е Вашето искуство од контактите што ги имате со<br />
луѓе од таа професија?<br />
Кај нас не можеш да кажеш дека има сцена или дека е некој<br />
комичар или сценарист за стендап бидејќи нема услови тоа<br />
да постои и да се развива професионално. Тие луѓе што се<br />
занимаваат со тоа секогаш имаат приход и од друго место,<br />
ние не знаеме што е стендап-сцена, туку имаме обиди од<br />
искрени луѓе кои сакаат да го прават тоа, и добро е да го<br />
има. За шегите нема граници, можеби нема да можеш да<br />
настапуваш во Америка, но можеш шегите да си ги продадеш<br />
онлајн и да заработиш сериозни пари. Пријател сум со еден<br />
етаблиран маркетинг-гуру во регионов, Давор Брукета, човек<br />
чија агенција од рани деведесетти години во Хрватска се<br />
проби на интернационалниот пазар. Токму тој ми има кажано<br />
дека сè е до очекувањата и дека треба како што се обидуваш<br />
да се пробиеш на домашниот пазар, истото да го правиш и<br />
на интернационално ниво. Потребно е да се пратат неколку<br />
илјади мејлови и ако се добие фидбек од 20 фирми, да се<br />
договори состанок со барем две, да се вложи, инвестира во<br />
патот и во себе, и да се оди каде што треба. Можеби нема<br />
да имаш успех на првиот или на вториот состанок, но на<br />
деветтиот или десеттиот ќе падне договор, теоријата на<br />
квантитет така вели. Во тој контекст, сега ќе правиме Media<br />
Innovation Forum, прв од овој тип кај нас. Ме радува што<br />
конечно тоа што го има во многу земји во околината ќе го<br />
има и кај нас. Конечно и во нашата земја ќе имаме можност<br />
да се собереме професионалци и да разменуваме мислења,<br />
да имаме панел-дискусии и едноставно да видиме до<br />
кај сме и каде сакаме да одиме. Мислам дека ова ќе биде<br />
исклучителен настан зашто од осамостојувањето на нашата<br />
земја, 28 години, немало настан од ваков вид.<br />
Во последниов период нашата земја беше во исклучителна<br />
политичка криза и тоа се одрази врз сите аспекти од нашето<br />
секојдневие. Имавте ли Вие некогаш обиди да бидете<br />
политички инволвирани, со оглед на тоа дека сте автор на<br />
една од најгледаните телевизиски емисии?<br />
Немав такви притисоци, иако ситуацијата навистина беше<br />
лоша и тоа се одрази врз сите медиуми и врз нивниот<br />
квалитет. Без разлика на поделбата на медиумите на владини<br />
и опозициски, авторските емисии потпишуваат договор дека<br />
ние самите стоиме целосно зад сè што е кажано во емисијата.<br />
Јас имав предност што кога почнаа политичките превирања,<br />
мојата емисија веќе беше етаблирана, така што не бев на<br />
удар на притисоците. Но за секој постои замка да се фати<br />
на орото, иако реално, најважно е да си настрана од орото и<br />
да си правиш како што мислиш без разлика на политичките<br />
убедувања. Единствено на тој начин долгорочно ти ја<br />
добиваш играта и никогаш нема да можат да ти кажат едно<br />
или друго. Тоа секогаш ни било принцип, наш внатрешен<br />
договор, и многу добро знаеме кои ни се начелата, и кои<br />
граници по ниедна цена нема да ги поминеме.<br />
Стресот од напорната работа секојдневно зема жртви и се<br />
смета за најголема закана на денешното живеење. Имате ли<br />
Вие слободно време за релаксација, дружење, одмор?<br />
Гледам да не се жалам и секогаш да размислувам дека сето<br />
ова сам сум го избрал. Јас во принцип сум човек што секогаш<br />
успева да си најде оправдување за своите постапки, колку<br />
и да личат на погрешни. Мојата девојка често ме кара за<br />
тоа, а и сигурно е напорно со човек што речиси никогаш не<br />
вели извини, односно секогаш има оправдување дека така<br />
требало. Точно е дека напорното работење има негативни<br />
страни, односно кога веќе работата ќе ти стане преокупација,<br />
нема саботи-недели, постојано сум со лаптопот и со мејлови.<br />
Тоа не е својствено за ова поднебје и не велам дека е добро<br />
така, но тоа е патот што јас сум го избрал. Сигурен сум дека<br />
многу луѓе во мојот живот ми се лутеле, мислеле дека не им<br />
посветувам доволно внимание, а јас тоа сум си го оправдал<br />
преку филтрацијата дека ете сум останал со оние на кои<br />
навистина им значам. Постојат луѓе со кои се дружам и со<br />
кои и една година да не се видиме, кога ќе се видиме, ќе се<br />
гушнеме и тие 12 месеци нема да влијаат, ќе биде како да не<br />
поминале. А инаку, каде и да сум, не можам без да проверам<br />
како е завршена работата, тоа е лошо, сакам да можам да го<br />
оставам процесот докрај да го заврши мојот тим, но не можам<br />
да не мислам. Во моментов сум во фаза кога ја давам идејата и<br />
оставам процесот да се тера, но на крај во финишот не можам<br />
да издржам без да видам како е. А не сакам да е така бидејќи<br />
на тој начин му робуваш на вифито, робуваш да видиш како<br />
излегол проектот, едноставно тоа не е уживање во моментот.<br />
Ако си на одмор на убава плажа со друштво, доколку цело<br />
време има нешто што ти тежи и проверуваш кога ќе стигне,<br />
па откако ќе стигне, бараш интернет да провериш дали е<br />
добро, тогаш само се лажеш дека живееш во моментот. Но<br />
се надевам дека тоа ќе се смени, најверојатно тоа е следна<br />
фаза, некаде да еволуираме и да не застанеме тука бидејќи<br />
не сакам да бидам како тие глувчињата на цртаните што се<br />
влезени во тркалото и не застануваат.<br />
Секој добар менаџер има свои вештини и тактики преку кои<br />
го мотивира и организира својот тим. Може ли да издвоите<br />
нешто што најчесто Ве мотивира или ја поттикнува Вашата<br />
продуктивност?<br />
Буквално ако работиш како коњ, ќе ти се исплати, дури и да<br />
не си експерт, прво ќе работиш за тоа да станеш, па потоа<br />
ќе работиш за да се докажеш дека си експерт. Убаво ми е<br />
многу кога си размислувам кај бевме пред четири месеци, на<br />
пример, или пред една година, а каде сме сега. И така најубаво<br />
ќе сфатиш што си направил, можело ли поинаку и до каде си.<br />
Но немањето капацитет да се исклучиш и да направиш една<br />
ретроспектива на тоа што си го направил дотогаш е многу<br />
зезнато. Мораш да си дозволиш себеси удобност да видиш<br />
што си направил низ годините зашто само тоа ќе те натера да<br />
го цениш моментот кој ќе ти даде мотивација да продолжиш<br />
понатаму. Јас сум како волк самотник, не очекувам ништо од<br />
никого и таа мотивација ми доаѓа од себеси, а за да биде така,<br />
мораш да се дистанцираш, да ги погледнеш работите што си<br />
30