Fanamasinana ny Fotoam-pivavahana Voatendrin'i Jehovah

64
ankehitriny, tsy nanaiky ireny, mba hahazoany famindram-po
ankehitriny noho ny famindram-po azonareo. » (Rom 11:31) « Fa
Andriamanitra nanidy azy rehetra tamin'ny tsi-fanekena, mba
hamindrany fo amin'izy rehetra. » (Rom 11:32).
100 taona ny Fitsaran’Ilay Seza Fiandrianana Fotsy Lehibe
Rehefa tapitra ny arivo taona, ireo olona atsangana amin’ny
maty ara-nofo (fitsanganana faharoa) dia tsy dorana avy hatrany fa
mbola omena fotoana hitsapana azy, eny hampahafantarana azy koa
an’Andriamanitra sy Jesosy Kristy Mpamonjy ary ny
Planin’Andriamanitra hamonjena ny olombelona rehetra.
Hanana fotoana hianarana ny marina sy hanampahan-kevitra
hiditra ao amin’ny Fanjakan’Andriamanitra ireo tsy misafidy hanaraka
an’i Satana, satria na ny ratsy fanahy aza dia haharitra zato taona vao
hozonina noho ny fahari-pon’Andriamanitra (Isaia 65:20).
Andriamanitra Mpamonjy antsika koa dia tia ny hamonjy ny olona
rehetra (1 Timoty 2: 4), sady tsy tiany hisy very fa mba ho tonga
amin’ny fibebahana izy rehetra (2 Petera 3:9a). Raha tsy marina izany
fa haringana avy hatrany ireo vao natsangana ireo dia tsy ilaina akory
ny fanokafana indray ny boky (Baiboly) hampianarana ny olona sy ny
boky fanoratana izay ataon’ny olona, ary ny bokin’ny fiainana.
Tsy sanatria akory Andriamanitra misalasala fa sao nanao
fahadisoana ka nisy olona hadino tamin’ny nadraisany ireo voalohambokatra
natsangana voalohany, ary izao vao hanarina ny diso, na hoe
hanome vintana fanindroany ho an’ireo tsy tafita tamin’ny fitsanganana
voalohany! Ny marina dia izao: ireto vao natsangana ireto dia tsy
nahalala akory an’Andriamanitra marina sy ny Planin’ny famonjena,
ary tsy nahafantatra an’i Jesosy Kristy marina sy ny famonjena izay
nataony. Koa izao izy ireo vao mandre ny amin’izany fahamarinana
rehetra izany, ary izao izy vao hanana fotoana hisoratan’ny anarany ao
amin’ny bokin’ny fiainana araka ny fahatahorany an’i Jehovah izay
inoany rehefa fantany.