El espacio social de la lengua asturiana - Academia de la Llingua ...

LLETRES NUEVES
D.I.R.S.A.
MATA A LES NEÑES
y pasó la so materia adolescente
a un cuartu-caxa
onde colos sos mil brazos
y la so mostia fonte de fuercies
naguaba por afayar un furacu,
por remanecer al espaciu,
al aire marineru.
L'enfotu de llibrase del pasáu ranciu. ..
ganes de mercar un nueu deséu.
Pa Dolfo. Siempre.
Yá sabes que nun importaba ná.
Que Iles probes aceres, camudaes
en güeyos, nun podíen saber
que tú yá nun falabes vestida
de nunca.
Yá sabes que sí, qu'hai coses importantes.
Que los deseos pruyen ansiosos,
con Ilatíos propios, vivos.
(Ellos embúrrienmos, tracamún~dienmos
ensin entrugar, arrástrenmos
y algamen crear un mercáu
onde les pallabres valen
pa nun enten,dese).
Yá sabes.
Los meses preñaos de prieses asonsáñente
persiguiéndote y tú, güei
sólo quies xugar.
Afréyase'l tiempu na muria nunca fecha.
Franció'l roqueru
Dirsa, dirsa, autoimport.
Axencia urbana, bancu caseru.
Mediosdíes con llargues pates.
Tardes remolones que nun quieren colar.
Nueches xigantes y enllenes de penes albuertaes.
(Caxeru Iletrónicu,
descafeináu.
La Foncalada, siempre ultraxada,
llora, monosilábicamente,
col so cafiu de prótesis
imperdonables).
Too españa nun quexíu.
Los coches frenopáticos allevanten
peñes y la murnia
desnuda tola ciudá.
Teo un granu de sablte nes narres.
Soi dueña del mio horizonte más alluendau.
Ayeri regaláronme un reló de sol.
(Paráu, claro).
Nunca pescancié los porqués del
minuteru.
Amás, siempre que taba pa ello
dormíame vencida pol tiempu.
Probes segundos. Cayendo.
Cayendo