1 Tr - Chioglossa

Chiog/o\,w. l· X1--X6. A Coruila. 1999
COMPORTAMENTO FRUXÍVORO DO TORDO REAL (TURDUS PILARIS):
VARIACIÓNS ENTRE ESPECIES DE PLANTA
Asier R. Larrinaga
INTRODUCCIÓN
Larrinaga, A. R. (1999). Comportamento fruxívoro do Tordo Real (Turdus pi/aris):
variacións entre especies de planta. Chiog/ossa, 1: 81-86.
Comparei o comportamento de alimentación do Tordo Real (Turdus pilaris) cando se
alimentaba de froitos de dúas especies distintas de plantas: Crataegus monogyna e
Sorbus aucuparia. Os froitos das dúas especies de plantas son diferentes e así é
tamén a súa distribución. Tomei os datos durante 63,5 horas de observación directa
por medio de prismáticos e telescopio en diversas localidades de Escocia. Os froitos
de S. aucuparia foron de máis difícil acceso pero consumíronse con maior éxito e a
maior velocidade. A eficacia de dispersión foi maior para o caso do S. aucuparia.
Queda evidenciada a grande influencia que as características da planta poden exercer
sobre o comportamento dos animais que interaccionan con ela.
Palabras chave: Capudre, Crataegus mOl1ogyna, ecoioxía de alimentación, Espiño
Albar, fruxivorismo, Sor/ms aucuparia, Tordo Real, Turdus pi/aris.
A palpa dos froitos carnosos constitúe un
recurso importante na alimentación das aves fruxívoras
que desempeñan, a cambio, un papel
destacado na bioloxía da reproducción da planta
(ver revisións en lordano, 1992 e Herrera, 1995)
e mesmo das comunidades vexetais (Debussche
et al., 1985; Herrera, 1985a).
Algúns estudios realizados sobre o fruxivorismo
inclúen certos aspectos relacionados ca
comportamento da ave (Herrera e lordano,
1981; Guitián, 1989; Greenberg et al., 1993),
pero son poucos os autores que estudiaron no
campo o comportamento das aves cando consomen
froitos carnosos (Pratt eStiles, 1983; Santana
e Milligan, 1984; Godschalk, 1985; Foster,
1987; Rodríguez e Bermejo, 1995), xa que a
meirande parte dos estudios realizados sobre o
particular se centraron fundamentalmente en
experi mentas de selección e/ou se levaron a
cabo con aves en catividade (Moermond e
Denslow, 1983; Levey et al., 1984; Moermond
et al., 1986; Santana et al., 1986; Moermond et
al., 1987; McPherson, 1988).
No presente trabaIlo estudiei o comportamento
do Tordo Real no campo, no momento de consumi-Ios
froitos carnosos de dúas especies de
rosáceas (Crataegus monogyna e Sorbus aucuparia).
O comportamento das aves, ademais de
determina-lo destino do froito (aspecto este que
está máis estudiado), pode ser de suma importancia
no gasto enerxético da ave, determinando
a relación beneficio/custo e contribuíndo así a
dar forma á interacción entre ave e planta.
ÁREA DE ESTUDIO E MÉTODOS
O traballo levouse a cabo en catro localidades de
Escocia situadas ó longo da ruta migratoria do Tordo
Real.
As localidades estudiadas englóbanse dentro de
dúas grandes áreas de características diferenciadas
entre si. As dúas localidades máis setentrionais (Gol spie,
57°55', e Bonar Bridge, 57°45') sitúanse no norte