Elektronisk versjon (pdf) her - Høgskulen i Volda

KVA KAN FORSKING MED UTGANGSPUNKT I YKSNØYA TILFØRE
FAGOMRÅDET KUNST OG HANDVERK I LÆRARUTDANNINGA?
På bakgrunn av det gjennomførte prosjektet på Yksnøya vil eg løfte fram og sjå nærare på nokre
aspekt ved Kunst- og Handverksfaget som vart spesielt utfordra. Det er naturleg i denne samanhengen
å fokusere på nokre meir overordna og store omgrep og la dei meir tematiske opplevingsog
handverksmessige emna ligge. I samband med å utvikle Basen og Yksnøya som lærings- og
forskingsarena vart det arrangert ein konferanse på øya under Forskingsdagane 2006. Hovudtalar
var Liv Merete Nilsen, professor i Kunst og Handverk ved Høgskolen i Oslo. Hennar oppdrag
var å problematisere og kaste lys over forsking i praktiske og estetiske fag. Arbeidsmåtane vi
prøver ut er i spenningsfeltet mellom kunstfagleg forsking og pedagogisk utviklingsarbeid. Det
sentrale frå begge formene er at refleksjonen går inn som ein viktig komponent. I kunstfagleg
forsking må det også vere problemstillingar og systematisk utprøving, og i tillegg må ein
reflektere over eige skapande arbeid, for deretter å sette den nye innsikta inn i faglege samanhengar.
Den formingsfaglege forskinga omhandlar mykje det same, men skilje seg frå kunstforskinga
med at sistnemnde har eit didaktisk hovudaspekt. I denne samanhengen vil det bli å sjå
nærare på sider ved pilotprosjektet som vart gjennomført, trekke fram enkelte moment som kan
vere naturleg å sjå nærare på og i vidare arbeid sette i gong meir systematisk arbeid omkring dei
aktuelle tema innafor faget. Tradisjonelt er vi gode på å oppleve og å utøve, det ligg godt forankra
i faget. Det har vore mindre fokusert på refleksjon, artikulering og omgrepsdanning. For å utvikle
desse delane må vi forsøke å teoretisere og setje noko i system.
Det har vore eit ønskje i fagmiljøet i Kunst og Handverk at undervisninga innafor samtidskunsten
skulle bli tydelegare, meir omfattande og meir tilgjengeleg for lærarstudentane. Samtidskunsten
utfordrar tilskodaren på heilt nye måtar, mange kunstverk krev faktisk at tilskodaren tek
del i kunsten. Dette krev kunnskap og evne til refleksjon for å forstå. Kva skal til for at dette skal
skje? Med dette som utgangspunkt kom følgjande underspørsmål opp: I kva grad kan Yksnøya vere
realiseringsarena for utvikling av læringsstrategiar innafor kunst og visuell kommunikasjon?
Samtidskunsten i lærarutdanninga
Den viktigaste rolla til samtidskunsten er å forstyrre, uroe det etablerte borgarskapet, slik har det
vore til alle tider. Ein epoke vert avløyst av ei ny og der utfordraren står i opposisjon til det
etablerte. Samtidskunsten som avantgarde uttrykk har alltid vore til ein viss grad utilgjengeleg for
samtida. Dette er og har vore kunstens vesen gjennom alle tider. Den mest markante skilnaden på
Nils Ola Skuset (red.): Forske på Yksnøya – går det an? Utfordringar i praktisk-estetiske fag. Seminarrapport.
Høgskulen i Volda og Møreforsking Volda, 2006.
41