Plani Mësimor dhe Libri i Mësuesi – Gjuha Shqipe

Mësuesi ndalet në shpjegimin e koncepteve fjalë, formë, rrënjë, temë, mbaresë duke iu
referuar shembujve të mësipërm si edhe shembujve të tjerë.
Gjatë shpjegimit mësuesi përfshin edhe nxënësit gjatë analizave të shembujve të ndryshëm në
dërrasë. P.sh.
Nënvizoni me një vizë temën dhe me dy mbaresën në fjalët e mëposhtme:
Lexonin, fjalët, këngë, shpjegonte, dallgëve, hapja.
Mësuesi ndërton në dërrasë të zezë së bashku me nxënësit një familje fjalësh.
Plotësoni skemën. Ndërtoni familjen e fjalës vend. (me shigjeta)
Vendos vendim
Vend
Mësuesi jep sqarime mbi ndarjen e fjalëve në të parme e të prejardhura.
Fjalët e parme janë fjalë që nuk kanë ardhur nga ndonjë fjalë tjetër. Fjalët e prejardhura janë
fjalë që rrjedhin nga një fjalë tjetër e parme apo e prejardhur. Në skemën e mësipërme fjala
vend është fjalë e parme ndërsa fjala vendos është fjalë e prejardhur. Ajo rrjedh nga fjala e
parme vend. Fjalët e prejardhura nga e njëjta rrënjë formojnë një familje fjalësh.
Hapi i tretë. Praktikë e udhëhequr. Ushtrimi 1. Mësuesi ndjek dhe udhëzon nxënësit në
plotësimin e ushtrimit duke vendosur saktë mbaresat e fjalëve në kllapa.
Hapi i katërt. Punë në dyshe. Ushtrimet 2 dhe 3. Sipas kërkesave. Mësuesi kontrollon punën
e nxënësve dhe vlerëson sipas përgjigjeve të dhëna.
Hapi i pestë. Punë e pavarur. Ushtrimet 4 dhe 5. Kontrollohet dhe vlerësohet puna e
nxënësve.
Detyrë shtëpie. Ushtrimi 6.
Tema: Fjalët e prejardhura, të përbëra dhe të përngjitura
Objektivat:
- Të dallojnë fjalët e prejardhura, fjalët e përbëra dhe fjalët e përngjitura.